23:11 18 Fevral 2019
Efir
  • RUB127.67
  • EUR9510.03
  • USD8395.15
Posol Rossii v Uzbekistane Vladimir Tyurdenev

Tyurdenev: Rossiya hech kimga hech narsani xiralik bilan yopishtirmaydi

© Sputnik / Ramiz Baxtiyarov
Siyosat
Havola olish
63910

Rossiya Federatsiyasining Oʻzbekistondagi elchisi Vladimir Tyurdenev Diplomatik xodim kuni munosabati bilan Toshkentdagi elchixonada tashkil etilgan tantanali qabulda nutq soʻzladi

TOSHKENT, 8 fev - Sputnik. Rossiya-Oʻzbekiston munosabatlari juda yuqori nuqtalarni boshdan kechirmoqda, deya qayd etdi Rossiyaning Oʻzbekistondagi elchisi Vladimir Tyurdenev, Toshkentda Diplomatik xodim kuni munosabati bilan tashkil etilgan tantanali qabulda.

Diplomat shuningdek, Rossiya bugungi kunda jahon taraqqiyoti yoʻnalishini belgilash uchun muhim ahamiyatga ega boʻlgan voqealar chorrahasida turganini qoʻshimcha qildi.

"Bizning koʻz oʻngimizda dunyo qay tarzda tashkil topishi, uning parametrlari masalasida global raqobat kuchayishi roʻy bermoqda. Bunda, boshqalarga oʻz xohishini xiralik ila yopishtirish va shu bilan bir qatorda barcha uchun umumiy boʻlgan masalalar yechimiga tenghuquqlilik, oʻzaromanfaatli hamkorlik asosida yondashish tendentsiyasi oʻrtasida qarama-qarshilik aniq koʻzga tashlanmoqda", - dedi u.

Tyurdenevning soʻzlariga koʻra, birqutbli dunyo tarafdorlari oʻn yilliklar davomida shakllanib kelayotgan xalqaro xavfsizlik tizimini yoʻq qilishga urinishlariga qaramay, Rossiya terroristik tahdid va boshqa global tahdidlar oldida dunyo hamjamiyati urinishlarini birlashtirishga qaratilgan kun tartibini ilgari surishda davom etmoqda.

"Shu bilan birga biz hech kimga xiralik bilan hech narsani tiqishtirmaymiz, xalqaro huquq ustuvorligi, BMTning markaziy roli, davlatlarning oʻz taraqqiyot yoʻlini oʻzlari belgilashi singari suveren huquqi kabi davlatlararo muloqotning muhim tamoyillariga amal qilamiz. Xalqlarimiz haqiqatparvar va adolatli, bu tarixdagi tub burilishlar sodir boʻlgan davrlarda koʻp marotaba isbotlangan", - deb qoʻshimcha qildi diplomat.

Oʻzbekiston-Rossiya munosabatlari haqida gapirar ekan, qadimdan shakllangan doʻstlik va yaxshi qoʻshnichilik aloqalari va ikki davlat yetakchilari oʻrtasidagi muloqot hamkorlik rivojlanishiga turtki berayotganini qayd etdi. Tyurdenevga koʻra, Vladimir Putinning 2018-yildagi Oʻzbekistonga tashrifi hamkorlikning yangi ufqlarini ochib bergan va yaqin yillarga ikkiyoqlama aloqalar rivoji uchun mustahkam asosni taʼminlagan.

"Koʻpqirrali Rossiya-Oʻzbekiston aloqalarining istiqboli yorqin ekaniga ishonchim komil, nega deganda, bizni oʻz mamlakatimiz tarixiga ehtiyotkorlik bilan munosabatda boʻlish, Vatanga muhabbat, anʼanaviy oila tushunchasi, kattalarga hurmat singari umumiy qadriyatlar tizimi  birlashtirib turadi", - deb qayd etdi diplomat.

Elchi oʻz nutqi yakunida xalqaro munosabatlar tarixi davomida diplomatlarga boʻlgan talablar mudom oʻzgarganini, faqat bir narsa - oʻz davlatiga boʻlgan ishonch va har qanday sharoitda Vatan manfaatlarini himoya qilish tamoyili oʻzgarishsiz qolganini qayd etdi.

Asosiy mavzular