14:14 24 May 2019
Efir
  • RUB131.06
  • EUR9439.00
  • USD8460.92
Prezident RF V. Putin prinyal uchastiye v sammite ATES

Putin va Tramp telefonda 1,5 soat gaplashdi: gap nima haqda bordi?

© Sputnik / Mixail Klimentyev
Siyosat
Havola olish
105210

Putin va Trampning telefon muloqoti qariyb 1,5 soat davom etdi. Yetakchilar Ukraina, Venesuela, KXDR va ikki davlat munosabatlarini batafsil muhokama qildilar

TOSHKENT, 3 may — Sputnik. Rossiya va AQSH prezidentlari Vladimir Putin va Donald Tramp telefon proveli telefonnыy razgovor.
Rossiya yetakchisi matbuot-kotibi Dmitriy Peskov RIA Novostiga bergan xabariga koʻra, ikki davlat rahbarining muloqoti qariyb bir yarim soat davom etgan. Kreml taʼkidiga koʻra, muloqot Vashington tashabbusi bilan amalga oshgan.

KXDR masalasi

Oq uy vakili Sara Sanders soʻzlariga koʻra, yetakchilar muloqotining anchayin qismi KXDR mavzusiga bagʻishlangan.

Rossiya prezidenti Trampga oʻtgan hafta Vladivostokda Shimoliy Koreya yetakchisi bilan boʻlgan muzokaralar yakunlari haqida gapirib bergan. Putin KXDR tomonidan majburiyatlarning vijdonan bajarilishiga mos qadamlar qoʻyilishi zarurligini taʼkidlagan.

Oʻz navbatida, Tramp Rossiya prezidentini denuklearizatsiya uchun Shimoliy Koreyaga bosim oʻtkazishga daʼvat qilgan.

Shu bilan birga, tomonlar denuklearizatsiyani bosqichma-bosqich amalga oshirish va Koreya yarimorolida uzoq muddatli normallashuvga erishish ahamiyatini qayd etganlar.

Venesuela va Ukrainadagi holat

Venesuela mavzusini tilga olar ekan, Rossiya prezidenti ichki ishlarga aralashish va hukumatni kuch ishlatish yoʻli bilan almashtirishga urinish siyosiy tartiblarga chang solishini taʼkidlagan.

Amerika yetakchisi esa, Oq Uy vakilining soʻzlariga koʻra, "AQSH venesuela xalqini qoʻllab-quvvatlashiga" ochiq-oydin shama qilgan.

Tomonlar Ukraina masalasini ham muhokama qilganlar. Xususan, Putin Kiyev hukumati Minsk kelishuvlarini bajarish boʻyicha real qadamlarni amalga oshirishi zarurligini qayd etgan.

Prezidentlar turli sohalarda, xususan strategik stabillik masalalarida muloqotlarni faollashtirishga tayyorligini tasdiqlaganlar. Putin va Amerika prezidenti mamlakatlar oʻrtasidagi tovar aylanmasini ham muhokama qilganlar. Sanders soʻzlariga koʻra, Tramp davrida bunda ancha ijobiy oʻzgarishlar boʻlgan.

Bundan tashqari prezidentlar surishtiruv ishlari tugagani va til biriktiruv aniqlanmagani kontekstida Myuller dokladini qisqacha muhokama qilganlar.

Kreml bayonotiga koʻra, Putin va Tramp boʻlib oʻtgan konstruktiv muloqotdan mamnunligini bildirganlar. Tomonlar turli darajalarda aloqalarni davom ettirishga kelishib olgan. Oq uy ham oʻz navbatida ikki davlat yetakchilari oʻrtasidagi muloqotni pozitiv, deya baholagan.

Asosiy mavzular