01:00 06 Dekabr 2019
Efir
  • RUB147.79
  • EUR10476.36
  • USD9510.99

Ruhoniy Oq uyni "aqlan zaif", deb atadi. Tramp uchun bu haqorat tuyuldi

© AFP 2018 / Jim Watson
Siyosat
Havola olish
429 0 0

Tramp, shuningdek, agar Eron Qoʻshma Shtatlarga hujum qiladigan boʻlsa, uni yoʻq qilib yuboradigan "ulkan kuch" bilan tahdid qildi

TOSHKENT, 25 iyun - Sputnik. Amerika prezidenti Donald Tramp Eron prezidenti Hasan Ruhoniyning "Oq Uyning aqlan zaifligi" haqidagi bayonotini haqoratli, deb topdi.

"Eronning bugungi nodonlarga xos va haqoratomuz bayonoti, u haqiqiy holatni anglamayotganidan darak beradi", - deb yozgan siyosatchi seshanba kuni Twitterda.

Eron AQSH razvedka dronini nega urib tushirdi >>>

Tramp, agar Eron, Qoʻshma Shtatlarga hujum qilgudek boʻlsa, uni yoʻq qilib yuboradigan darajada "ulkan kuch" bilan tahdid qilgan.

Eslatib oʻtamiz, Vashington mamlakat rahbariyati va harbiy qoʻmondonlarga qarshi sanktsiya kiritgach, Eron prezidenti mamlakat sogʻliqni saqlash vazirligi xodimlari guvohligida Oq uyni "aqlan zaif" deb atagan va Tramp administratsiyasini "aqliy zaiflik qamrab olganini", u nima qilayotganini anglamayotganini qoʻshimcha qilgan.

Ruhoniyning soʻzlariga koʻra, Vashington oʻz harakatlarida chalkashib qolgan, uning oʻzini tutishi faqat hayratga sabab boʻlmoqda. Eron yetakchisi, bunday holatlar jahon siyosatida hali boʻlmaganini alohida qayd etgan.

Soʻnggi vaqtlarda AQSH va Eron munosabatlari oʻtkir tus oldi. Amerika hukumati Eron iqtisodiyotining muhim tarmoqlariga qatʼiy sanktsiyalar kiritdi va sanktsiyaviy bosimlarni kuchaytirishda davom etmoqda. Vashington, bu orqali islom respublikasi "oʻz harakatlarini oʻzgartirishiga" erishmoqchi. AQSH shuningdek, Eron qurolli kuchlarining bir qismi - islom inqilobi posbonlari korpusi (IIPK)ni terroristik tashkilot, deb eʼlon qilgan. Bunga javoban Eron AQSH qurolli kuchlari markaziy qoʻmondonligi - CENTCOMni terroristik tashkilot, AQShning oʻzini esa "terrorizm homiysi boʻlgan davlat" sifatida eʼlon qildi.

Asosiy mavzular