01:13 25 Avgust 2019
Efir
  • RUB138.47
  • EUR10092.14
  • USD9061.00
Boyeviki dvijeniya Taliban

"Tolibon" Oʻzbekistonda oʻtkaziladigan afgʻonlararo uchrashuvga taklif etilgani yoʻq

AP Photos / Allauddin Khan
Siyosat
Havola olish
812 0 0

OAV xabariga koʻra, afgʻonlararo uchrashuv uch yoki toʻrt haftadan soʻng Samarqandda boʻlib oʻtadi

TOSHKENT, 20 iyul - Sputnik. Afgʻonistondagi "Tolibon" harakati Oʻzbekistonda oʻtkaziladigan afgʻonlararo uchrashuvga taklif etilgani yoʻq, lekin olsa, bu taklifni koʻrib chiqishga tayyor, deb xabar qilmoqda RIA Novosti Qatardagi "Tolibon" siyosiy ofisi rasmiy vakili Suxel Shaminga tayangan holda.

Ilgariroq 1TV telekanali bundan oldingi, 7-8 iyul kunlari Qatarda oʻtkazilgan matbuot-anjumaniga tayanib, afgʻonlararo uchrashuv uch yoki toʻrt haftadan soʻng Samarqandda oʻtkazilishi haqida xabar qilgan edi. Manba shuningdek, tomonlar keyingi ikki hafta davomida dastlabki tinchlik shartnomasini imzolashi haqida xabar bergandi.

"Oʻzbekistonda oʻtkaziladigan uchrashuv sanasi hali aniqlashtirilgani yoʻq, lekin agar biz Oʻzbekistondan taklif olsak, uni koʻrib chiqamiz", - deb aytgan Shaxin.

Doxadagi afgʻonlararo anjuman 7-8 iyul kunlari boʻlib oʻtdi. Ikki kunlik anjumanda 60dan ziyod afgʻonlar ishtirok etishgan, shu jumladan, "Tolibon" radikal harakati aʼzolari ham. Uzoq davom etgan tortishuvlardan soʻng 9 iyulga oʻtar kechasi delegatlar yakuniy bayonnomani qabul qilishgan, unda Afgʻonistondagi oddiy fuqarolar orasidagi yoʻqotishlarni nol darajaga tushirish va taʼlim hamda tibbiyot muassasalari himoyasini taʼminlash majburiyatlari qayd etilgan.

Asosiy mavzular