18:13 30 Mart 2020
Efir
  • RUB130.22
  • EUR10572.34
  • USD9520.34
Siyosat
Havola olish
420 0 0

Yigirma uchinchi avgust kuni Toshkentda Oliy Majlis Senatining yigirma birinchi yalpi majlisi chaqiriladi.

TOSHKENT, 19 avg - Sputnik. 23 avgust kuni Toshkentda Oliy Majlis Senatining yigirma birinchi yalpi majlisi chaqiriladi.

Senat axborot xizmatining maʼlum qilishicha, yalpi majlis kun tartibiga mamlakat taraqqiyotining yangi bosqichida belgilangan maqsadlar va vazifalarni amalga oshirish, barcha sohalarda olib borilayotgan islohotlarning huquqiy asoslarini mustahkamlash hamda 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturida belgilangan vazifalar ijrosiga qaratilgan Oʻzbekiston Respublikasining bir qator qonunlari kiritilgan.

“Xotin-qizlar va erkaklar uchun teng huquq hamda imkoniyatlar kafolatlari toʻgʻrisida”gi, “Xotin-qizlarni tazyiqlar va zoʻravonlikdan himoya qilish toʻgʻrisida”gi, “Atom energiyasidan tinchlik maqsadlarida foydalanish toʻgʻrisida”gi, “Ona suti bilan oziqlantirishni qoʻllab-quvvatlash hamda goʻdaklar va kichik yoshdagi bolalar oziq-ovqat mahsulotlariga doir talablar toʻgʻrisida”gi Oʻzbekiston Respublikasi qonunlari shular jumlasidandir.

Senat aʼzolari Oliy Majlis byudjetini shakllantirish va ijro etishning yangi mexanizmlari joriy etilishi, saylov, xavfsizlik va mudofaa sohasidagi qonun hujjatlari takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish haqidagi masalalarni ham koʻrib chiqadilar.

Shuningdek, senatorlar Xalqaro mehnat tashkilotining sanoat va savdoda mehnat inspektsiyasi toʻgʻrisidagi 81-sonli, qishloq xoʻjaligida mehnat inspektsiyasi toʻgʻrisidagi 129-sonli konventsiyalarini va boshqa xalqaro hujjatlarni ratifikatsiya qilish bilan bogʻliq Oʻzbekiston Respublikasi qonunlarini ham muhokama qiladilar.

Yalpi majlisda “Faol investitsiyalar va ijtimoiy rivojlanish yili” Davlat dasturining 2019 yil ikkinchi choragidagi ijrosi yuzasidan Vazirlar Mahkamasining hisoboti, ichki ishlar va tashqi ishlar vazirlari, Turizmni rivojlantirish davlat qoʻmitasi raisining axborotlari, shuningdek, Xorazm viloyati hokimining hududlarni rivojlantirish hamda xalq deputatlari mahalliy Kengashlari faoliyati haqidagi hisoboti eshitiladi.

Senat aʼzolari boʻsh turgan, qurilishi tugallanmagan obʼyektlardan va foydalanilmayotgan ishlab chiqarish maydonlaridan samarali foydalanishga doir qonun hujjatlari ijrosi holatini oʻrganish natijalari, shuningdek  bogʻdorchilik-uzumchilik shirkatlari holati va ularning tashkiliy-huquqiy asoslarini takomillashtirish yuzasidan Vazirlar Mahkamasiga parlament soʻrovlari yuborish toʻgʻrisidagi masalalarni ham muhokama qiladilar.

Asosiy mavzular