21:26 31 Mart 2020
Efir
  • RUB121.10
  • EUR10637.67
  • USD9554.22
Siyosat
Havola olish
133 0 0

Putin, Tramp va Si Tszinpin mamlakat mustaqilligining 28 yilligi munosabati bilan Oʻzbekiston rahbari nomiga tabrik yoʻllashdi.

TOSHKENT, 29 avg - Sputnik. Oʻzbekiston mustaqilligining 28 yilligi munosabati bilan mamlakat prezidenti Shavkat Mirziyoyev nomiga xorijiy davlatlar rahbarlaridan samimiy qutlovlar kelmoqda. Ularda davlati rahbariga muvaffaqiyatlar, Oʻzbekiston xalqiga ravnaq va farovonlik tilab, ezgu istaklar izhor etilgan. Bu haqda prezident matbuot xizmati xabar qildi.

Xitoy Xalq Respublikasi raisi oʻz tabrigida Xitoy – Oʻzbekiston munosabatlarini rivojlantirishga katta eʼtibor qaratib kelayotgani, oʻrtadagi samarali ishchan va shaxsiy aloqalarni yuksak qadrlashini taʼkidlagan.

“Siz bilan siyosiy oʻzaro ishonchni mustahkamlash, ikki mamlakat va xalqlar farovonligi uchun Oʻzbekiston va Xitoy oʻrtasidagi har tomonlama strategik sheriklik munosabatlarini uzluksiz va izchil rivojlantirishga erishish maqsadida "Bir makon, bir yoʻl" loyihasini amalga oshirish boʻyicha hamkorlikni chuqurlashtirishga birgalikda saʼy-harakat qilishga tayyorman”, - deyiladi Xitoy yetakchisi tabrigida.

Rossiya rahbari Vladimir Putin oʻz tabrigida mamlakat iqtisodiy va ijtimoiy taraqqiyot borasida gʻoyat salmoqli yutuqlarni qoʻlga kiritgani, Oʻzbekiston haqli ravishda dunyo maydonida yuksak nufuzga ega boʻlib borayotgani, mintaqaviy va xalqaro masalalarda konstruktiv rol oʻynayotganini qayd etgan.

“Ishonchim komilki, biz bundan keyin ham xalqlarimiz farovonligi, Markaziy Osiyo mintaqasida barqarorlik va xavfsizlikni taʼminlash yoʻlida strategik sheriklik va ittifoqchilik munosabatlarini yanada mustahkamlashda davom etamiz”, - deyiladi Putin tabrigida.

AQSH prezidenti Donald Tramp Mirziyoyev va Oʻzbekiston xalqini Amerika xalqi nomidan 1 sentyabr –mamlakat mustaqilligining 28 yilligi munosabati bilan tabriklagan.

“Sizning Oq uyga tashrifingizni yodga olib, mamlakatlarimiz oʻrtasida soʻnggi yillarda mustahkamlanib borayotgan strategik muloqotlarni yuqori baholashimni taʼkidlashni istar edim. Shuningdek, Sizning Oʻzbekiston ahliga xizmat qiluvchi yanada mustahkam, shaffof va masʼuliyatli tashkilotlar yaratish orqali mamlakat kelajagiga sodiqligingizni qadrlayman”, - deyiladi AQSH yetakchisi tabrigida.

Asosiy mavzular