08:04 20 Oktyabr 2019
Efir
  • RUB147.25
  • EUR10438.58
  • USD9455.24

Oʻzbekiston va Tojikiston IIV hamkorlikni kuchaytiradi

MVD Uzbekistana
Siyosat
Havola olish
176 0 0

Ikki davlat IIV vakillari terrorizm, ekstremizm, noqonuniy migratsiya, uyushgan jinoyatchilik va qidiruv faoliyati yuzasidan ikki tomonlama hamkorlikdagi ishlarning bugungi holati va kelajak istiqbollarini muhokama qildi.

TOSHKENT, 17 sen – Sputnik. Oʻzbekiston ichki ishlar vazirining birinchi oʻrinbosari polkovnik Aziz Anvarovich Toshpulatov boshchiligidagi IIV ishchi guruhi hamkorlikni mustahkamlash maqsadida Tojikiston Respublikasiga tashrif buyurdi.

IIV xabariga koʻra, Oʻzbekiston va Tojikiston Ichki ishlar vazirliklari oʻrtasidagi Muvofiqlashtiruvchi ishchi guruhining yigʻilishi oʻtkazilgan.

Tadbir doirasida ikki davlat IIV  vakillari tomonidan terrorizm, ekstremizm, noqonuniy migratsiya, uyushgan jinoyatchilik va qidiruv faoliyati yuzasidan ikki tomonlama hamkorlikdagi ishlarning bugungi holati va kelajak istiqbollari, shuningdek, narkotik vositalar, psixotrop moddalar va prekursorlarning noqonuniy aylanmasiga qarshi kurashish yoʻnalishida tomonlarning oʻzaro hamkorligi, ularni mukammallashtirish yoʻllari, yigʻilish yakunini umumlashtirish masalalari hamda Muvofiqlashtiruvchi ishchi guruhning navbatdagi yigʻilish kuni va joyi muhokama qilindi.

Yigʻilish yakunida tomonlar kelishuv hujjatini imzoladilar.

Shuningdek, Tojikiston Respublikasi Ichki ishlar vaziri militsiya general-polkovnigi Rahimzoda Ramazon Hamro Aziz Toshpulatovni qabul qildi.  

Asosiy mavzular