TOShKENT, 27 sen - Sputnik. O‘zbekiston Respublikasi tashqi ishlar vaziri Abdulaziz Kamilov Nyu-York shahrida AQShning Afg‘onistondagi yarashish masalalari bo‘yicha maxsus vakili Zalmay Xalilzod bilan uchrashdi.
26 Sentabr 2019, 16:23
TIV xabariga ko‘ra, tomonlar Afg‘onistondagi vaziyat va tinchlik jarayonini rivojlantirish yo‘llari yuzasidan fikr almashdilar,
Shuningdek, Afg‘onistonda O‘zbekiston tashabbusi bilan amalga oshirilayotgan ijtimoiy-iqtisodiy va infratuzilma loyihalarini amalga oshirish jarayoni muhokama qilingan.
Uchrashuvda milliy yarashishga tezroq erishish va Afg‘onistondagi mojaroni siyosiy yo‘l bilan hal qilishdan tomonlar manfaatdor ekanligi yana bir bor tasdiqlandi.
