12:17 16 Oktyabr 2019
Efir
  • RUB147.25
  • EUR10438.58
  • USD9455.24
Generalnыy sekretar Soveta sotrudnichestva tyurkoyazыchnыx gosudarstv

Mirziyoyev Turkiy tilli davlatlar hamkorlik kengashi bosh kotibini qabul qildi

© Press-slujba prezidenta
Siyosat
Havola olish
112 0 0

Oʻzbekiston va Turkiy kengash mamlakatlarini azaldan nafaqat madaniyat, til, maʼnaviyat mushtarakligi, balki anʼanaviy doʻstlik va uzaro manfaatli hamkorlikka asoslangan munosabatlar bogʻlab turishi taʼkidlandi.

TOSHKENT, 5 okt - Sputnik. Oʻzbekiston prezidenti Shavkat Mirziyoyev Turkiy tilli davlatlar Ishbilarmonlar kengashi majlisi va Investitsiya forumida ishtirok etish uchun mamlakatga tashrif buyurgan Turkiy tilli davlatlar hamkorlik kengashi bosh kotibi Bagʻdat Amreyevni qabul qildi.

Davlat rahbari mehmonni samimiy qutlar ekan, Oʻzbekiston va Turkiy kengash oʻrtasidagi hamkorlik jadal rivojlanib borayotganini mamnuniyat bilan qayd etdi.

Mamlakat 14 sentyabr kuni 2009 yil 3 oktyabrda imzolangan Turkiy tilli davlatlar hamkorlik Kengashini tuzish toʻgʻrisidagi Naxichevan bitimini ratifikatsiya qildi hamda tashkilotning joriy yil 15 oktyabr kuni Boku shahrida boʻlib oʻtadigan yettinchi sammitida toʻla huquqli aʼzo sifatida ishtirok etadi. 

Oʻzbekiston va Turkiy kengash mamlakatlarini azaldan nafaqat madaniyat, til, maʼnaviyat mushtarakligi, balki anʼanaviy doʻstlik va uzaro manfaatli hamkorlikka asoslangan munosabatlar bogʻlab turishi taʼkidlandi.

Uchrashuvda Turkiy kengashning birinchi navbatda savdo, investitsiyalar, innovatsiyalar, transport, turizm, madaniy-gumanitar almashinuvlar kabi dolzarb yoʻnalishlarda amaliy sheriklikni rivojlantirishga koʻmaklashuvchi samarali mintaqaviy tuzilma sifatidagi salohiyatiga yuksak baho berildi.

Turkiy kengash bosh kotibi Oʻzbekiston prezidentiga samimiy qabul uchun chuqur minnatdorlik bildirib, mamlakat Kengashga toʻla huquqli aʼzo sifatida kirishi bilan samimiy tabrikladi.

Oʻzbekistonning aʼzo boʻlishi tashkilot doirasida samarali koʻp tomonlama hamkorlikni yanada jadal rivojlantirishga xizmat qilishi alohida qayd etildi.

Bagʻdat Amreyev Oʻzbekistonda davlat va jamiyat qurilishi sohasida, iqtisodiyotni liberallashtirish, ishbilarmonlik va investitsiya muhitini yaxshilash borasida amalga oshirilayotgan keng koʻlamli islohotlarni yuqori baholadi.

Oʻzbekiston xorijiy sheriklar bilan uzoq muddatli va oʻzaro manfaatli aloqalarni rivojlantirishda, avvalo, qoʻshni mamlakatlar bilan doʻstlik va yaxshi qoʻshnichilik munosabatlarini mustahkamlash borasida ulkan muvaffaqiyatlarga erishayotganini alohida qayd etdi.

Oliy martabali mehmon davlat rahbariga Turkiy kengashning boʻlajak sammitiga tayyorgarlikning borishi toʻgʻrisida maʼlumot berdi hamda Kengash bilan Oʻzbekiston oʻrtasida samarali munosabatlarni rivojlantirishga har tomonlama koʻmaklashishga tayyor ekanini tasdiqladi.

Asosiy mavzular