00:28 19 Noyabr 2019
Efir
  • RUB148.82
  • EUR10455.03
  • USD9490.77
Pismennыe prinadlejnosti

MDH davlat rahbarlari sammitida 7 ta hujjat imzolandi - roʻyxat

Sputnik / Ramiz Baxtiyarov
Siyosat
Havola olish
54040

MDH davlat rahbarlari kengashining navbatdagi yigʻilishi 2020 yil 16 oktyabrda Toshkent shahrida boʻlib oʻtadi.

TOSHKENT, 11 okt – Sputnik. Ashxoboddagi MDH davlat yetakchilari sammiti yakunlari boʻyicha 7 ta qoʻshma hujjat imzolandi.

Xususan, ozodlikdan mahrum etish bilan bogʻliq boʻlmagan hukmlarni ijro etish toʻgʻrisida Konventsiya imzolandi. Hujjatlar roʻyxatida 2020 yilda MDHda raislik qilish haqida qaror, MDH davlat rahbarlari navbatdagi Kengash yigʻilishini oʻtkazish haqida va MDH ijroiya kotibiyati toʻgʻrisidagi hujjatlar oʻrin oldi.

Bundan tashqari, "MDHga aʼzo davlatlarning strategik iqtisodiy hamkorligi toʻgʻrisidagi deklaratsiya", "MDH davlatlari rahbarlarining 1941-1945 yillari Ulugʻ Vatan urushida Sovet xalqi Gʻalabasining 75 yilligi munosabati bilan Hamdoʻstlik davlatlari xalqlariga va jahon jamoatchiligiga murojaatnomasi", "2020-2022 yillarga moʻljallangan Mustaqil Davlatlar Hamdoʻstligiga aʼzo davlatlarning terrorizm va ekstremizmning boshqa zoʻravonlik koʻrinishlariga qarshi kurashish dasturi toʻgʻrisida"gi qarorlar qabul qilindi.

Yigʻilish davomida prezidentlar tomonidan MDH ijrochi kotibi Sergey Lebedevning vakolatlarini uch yilga uzaytirish toʻgʻrisida qaror qabul qilindi.

Eslatib oʻtamiz, MDH davlat rahbarlari kengashining keyingi yigʻilishi 2020 yil 16 oktyabrda Toshkentda boʻlib oʻtadi, bu haqda MDH davlat rahbarlari tor doirada boʻlib oʻtgan yigʻilish yakunlari boʻyicha tegishli qaror qabul qilindi.

Asosiy mavzular