TOShKENT, 30 okt - Sputnik. Rossiya Federatsiyasi Xavfsizlik kengashi kotibi Nikolay Patrushev O‘zbekiston va Tojikistonga rasmiy tashrif bilan keladi, deb xabar qilmoqda RIA Novosti.
"Nikolay Patrushev 30-oktabr kuni Dushanbeda va 31-oktabr Toshkentda xavfsizlik kengashi apparatlari liniyalari bo‘yicha Rossiya-Tojikiston va Rossiya-O‘zbekiston maslahatlashuvlarni o‘tkazadi", - deyiladi xabarda.
Patrushev safarining bosh maqsadi xavfsizlik kengashlari liniyasi bo‘yicha qator maslahatlashuvlarni o‘tkazishdan iborat.
Ta’kidlanishicha, RF Xavfsizlik kengashi kotibi hamkasblari bilan Afg‘oniston bilan chegaradagi vaziyatni muhokama qiladi. Oxirgi marta bu kabi uchrashuv Bishkekda ShHT sammitida bo‘lib o‘tgan. RF va O‘zbekiston Xavfsizlik kengashi kotiblari ikki mamlakat apparatlari o‘rtasidagi 2018-2019 yillarga mo‘ljallangan hamkorlik rejasi muvaffaqiyatli amalga oshirilayotganini tasdiqlagan edilar. Tomonlar shuningdek, Rossiya-O‘zbekiston munosabatlari, xususan, xalqaro va regional maydonlardagi hamkorlikni muhokama qilishgan edi.
