15:02 23 Sentyabr 2020
Efir
  • RUB136.28
  • EUR12210.60
  • USD10315.62
Siyosat
Havola olish
Samarqandda Valday klubining X Osiyo anjumani (21)
391 0 0

Rossiya elchisining soʻzlariga koʻra, yaqin kelajakda Oʻzbekistonda Rossiya oliy taʼlim muassasalari soni yanada kengayishi kutilmoqda va bu masala ham bugungi sessiyada muhokama etilgan.

TOSHKENT, 10 noya – Sputnik. Bugungi muloqot ochiqlik va ishonchga asoslangan xaraterga ega boʻldi. Bu anjuman foydali, negaki ekspertlar hamkorlik muhitini, shuningdek, zarur jamoatchilik kayfiyatini shakllantirishga yordam beradilar, deya qayd etdi “Valday” klubining Osiyo anjumani davomida Rossiya Federatsiyasining Oʻzbekistondagi elchisi Vladimir Tyurdenev.

“Valday” klubi hamda Oʻzbekiston ekspertlari oʻrtasida imzolangan bitim, Tyurdenevga koʻra, Rossiya va Oʻzbekiston jamoatchiligini bu aloqalardan yaxshiroq xabardor boʻlishiga imkon yaratadi.

“Ekspertlar tomonidan aytiladigan fikrlar aholining u yoki bu guruhi fikrlariga tayanadi. Bu maʼlum maʼnoda ikki mamlakat aholisi oʻrtasidagi oʻziga xos fikr almashuvni yuzaga keltiradi”, - deya elchi soʻzlaridan keltiradi Sputnik Oʻzbekiston muxbiri.

Elchi, shuningdek, “Valday” klubining bugungi, Rossiya va Oʻzbekiston aloqalariga bagʻishlangan sessiyasida barcha sohalar: siyosiy, iqtisodiy, madaniy va gumanitar jabhalardagi munosabatlar muhokama etilganini qoʻshimcha qildi.

Tyurdenevning aytishicha, yaqin kelajakda Oʻzbekistonda Rossiya oliy taʼlim muassasalari soni yanada kengayishi kutilmoqda va bu masala ham bugungi sessiyada muhokama etilgan.

“Ikki mamlakat oʻrtasidagi aloqalarni rivojlantirish uchun koʻp ishlar amalga oshirildi, ammo oldinda yanada koʻproq ishlar bizni kutmoqda”, - deya oʻz nutqini yakunladi Rossiya elchisi.

Eslatib oʻtamiz, “Valday” klubining X Osiyo anjumani “Markaziy Osiyo va Yevroosiyo: global tartibsizliklar qarshisida koʻpqirrali hamkorlik” mavzusida Samarqandda oʻtkazilmoqda.

Mintaqaviy hamkorlik masalalari va muammolarini muhokama qilish uchun 11 davlatdan 70 dan ortiq ekspertlar toʻplangan.

Mavzu:
Samarqandda Valday klubining X Osiyo anjumani (21)

Asosiy mavzular