15:55 15 Dekabr 2019
Efir
  • RUB149.88
  • EUR10545.67
  • USD9537.55
Flag Germanii na zdanii Reyxstaga v Berline

Germaniya Rossiya elchixonasining ikki xodimini chiqarib yuboradi

© Sputnik / Igor Zarembo
Siyosat
Havola olish
206 0 0

Spiegel onlayn-jurnali xabariga koʻra, tergov bu hodisani "professional rejalashtirilgan va amaga oshirilgan buyurtma qotillik", deya baholamoqda. Ushbu qotillik buyurtmachilari yoki jinoyat dunyosi vakillari yoki chet el razvedkasi boʻlishi mumkin.

TOSHKENT, 4 dek — Sputnik. Germaniya Tashqi ishlar vazirligi Rossiya elchixonasining ikki xodimini davlatdan chiqarib yuborishga qaror qildi. Xodimlarga endilikda Germaniyaga kirish taʼqiqlangan. Ushbu siyosiy mojaro Gruziya fuqarosining Berlinda oʻldirilishi hodisasi bilan bogʻliq, deb yozadi RIA Novosti.

"Bugun bosh prokuror ushbu ish yuzasidan surishtiruvni oʻz zimmasiga oldi, qotillik Rossiya Federatsiyasi davlat organlari yoki Rossiya Federatsiyasi tarkibidagi Checheniston Respublikasining xuddi shunday organlari buyurtmasiga binoan amalga oshirilganini tasdiqlovchi yetakrlicha dalillar mavjud", - deyiladi TIV bayonotida.

Spiegel nashri Germaniya TIV mamlakatdagi Rossiya elchisi Sergey Nechayevni chaqirtirib, unga nota topshirgani haqida xabar bergan. Germaniya tashqi ishlar mahkamasi ushbu notada Rossiyani Tornike K. qotillishi ishi boʻyicha bosh prokuratura bilan hamkorlik qilishga chaqirgan.

Federatsiya kengashining xalqaro masalalar boʻyicha qoʻmitasi raisi oʻrinbosari Andrey Klimov RIA Novostiga bergan izohida, Moskva javob qaytarishini maʼlum qilgan.

"Xalqaro amaliyot mavjud, uni biz oʻylab topmaganmiz, u Rossiya tomoni chiqarib yuborilgan diplomatlari sanogʻiga teng diplomatlarni javoban chiqarib yuborishini nazarda tutadi. Rossiyaning bunday ishni amalga oshirishi uchun barcha asosi mavjud", - dedi u.

Sal oldin OAVlar Germaniya kantsleri Angela Merkel hukumati agar Moskvaning Gruziya fuqarosi oʻldirilishida aloqadorligi aniqlansa, u hola unga qarshi diplomatik yoki boshqa sanktsiyalarni kiritishi mumkinligi haqida xabar berishgan edi.

Rossiya yetakchisi matbuot-kotibi Dmitriy Peskov qotillik va "rasmiy Rossiya" oʻrtasida aloqa mavjudligini koʻplab marotaba inkor etgan.

Berlinda nima yuz bergandi?

Yoz faslining oxirida 40 yashar Gruziya fuqarosi Moabit hududida nomaʼlum shaxs tomonidan otib oʻldirilgan. Berliner Kurier nashri maʼlumotlariga koʻra, erkak boshidan yaralangan va hodisa joyida vafot etgan. Oradan bir necha kun oʻtib, politsiya 49 yashar rossiyalikni qoʻlga olgan, prokuratura erkak yonidan qurol topilganini bildirgan.

Spiegel onlayn-jurnali xabariga koʻra, tergov bu hodisani "professional rejalashtirilgan va amaga oshirilgan buyurtma qotillik", deya baholamoqda. Ushbu qotillik buyurtmachilari yoki jinoyat dunyosi vakillari yoki chet el razvedkasi boʻlishi mumkin.

Xuddi shu nashr 30 avgust kuni gumondor Rossiya maxsus xizmati agenti boʻlishi mumkinligi haqida material eʼlon qilgan edi. Maqola mualliflarining taʼkidiga koʻra, viza olish uchun hujjat topshirgan gumondorning ismi Rossiya maʼlumotlar bankida mavjud emas, uning xorijga chiqish pasporti raqami esa "Bosh razvedka boshqarmasi harbiy razvedka xodimlariga hujjat taqdim etgan" IIVga ishora qilmoqda.

GFR hukumati rasmiy vakili Shteffen Zaybert hukumat "OAV xabarlarini eʼtiborga olishgani" haqida bayonot qilgan.

Asosiy mavzular