22:30 28 Oktyabr 2020
Efir
  • RUB136.11
  • EUR12285.78
  • USD10359.88
Siyosat
Havola olish
Shavkat Mirziyoyevning Yaponiyaga ilk rasmiy tashrifi (11)
159 0 0

Uchrashuvda oʻzaro tashriflarni tashkil etish va Aichidan aviaqatnovlarni yoʻlga qoʻyish masalasini koʻrib chiqishga kelishib olindi.

TOSHKENT, 18 dek – Sputnik. Oʻzbekiston prezidenti Shavkat Mirziyoyevning Yaponiyaga tashrifi dasturi 18 dekabr kuni tongda Aichi prefekturasi gubernatori Xideki Omura bilan uchrashuvdan boshlandi. Bu haqda davlat rahbari matbuot xizmati xabar qildi.

Taʼkidlanishicha, Oʻzbekiston va Aichi prefekturasi oʻrtasida taʼlim va madaniyat sohasidagi samarali muloqotlar yoʻlga qoʻyilgani katta mamnuniyat bilan qayd etildi.

Innovatsiyalar, sanoat, qishloq xoʻjaligi va qoʻshma agroklasterlar tashkil etish, turizm, akademik almashinuv sohalarida oʻzaro manfaatli hamkorlikni kengaytirish va aniq loyihalarni ilgari surish uchun imkoniyatlar mavjudligi alohida taʼkidlandi.

Oʻzbekiston tomonidan prefekturaning sherigi etib Toshkent viloyati belgilandi.

“Oʻzaro tashriflarni tashkil etish va Aichidan aviaqatnovlarni yoʻlga qoʻyish masalasini koʻrib chiqishga kelishib olindi”, - deyiladi xabarda.

Eslatib oʻtamiz, avvalroq Shavkat Mirziyoyev Yaponiyaga rasmiy tashrif dasturidagi birinchi manzil - Nagoya shahriga kelgani xabar qilingan edi.

Mavzu:
Shavkat Mirziyoyevning Yaponiyaga ilk rasmiy tashrifi (11)
Teglar:
tashrif, Yaponiya, Mirziyoyev

Asosiy mavzular