23:00 28 Oktyabr 2020
Efir
  • RUB136.11
  • EUR12285.78
  • USD10359.88
Siyosat
Havola olish
Shavkat Mirziyoyevning Yaponiyaga ilk rasmiy tashrifi (11)
324 0 0

Prezident Yaponiya bosh vaziri oʻrinbosari, moliya vazirini qabul qildi. Uchrashuvda qishloq xoʻjaligi, energetika va boshqa sohalarda qoʻshma loyihalarni ilgari surish istiqbollari muhokama qilindi.

TOSHKENT, 18 dek — Sputnik. Shavkat Mirziyoyev Tokio shahridagi Akasaka qarorgohida Yaponiya bosh vaziri oʻrinbosari, moliya vaziri Taro Asoni qabul qildi. Bu haqda davlat rahbari matbuot xizmati xabar qildi.

Uchrashuvda Mirziyoyev Oʻzbekiston bilan Yaponiya oʻrtasidagi doʻstlik va strategik sheriklik munosabatlari har tomonlama mustahkamlanib borayotgani, shuningdek, savdo-iqtisodiy hamkorlik kengayib borayotganini katta mamnuniyat bilan qayd etdi.

Taʼkidlanishicha, oliy darajadagi tashrif arafasida ikki mamlakatning koʻp sonli kompaniya va banklari ishtirokida oʻtgan misli koʻrilmagan darajadagi biznes forumning yuqori natijalari yuksak baholandi.

Uchrashuvda investitsiyaviy, texnologik, moliyaviy va moliyaviy-texnik hamkorlikni kengaytirish hamda qishloq xoʻjaligi, energetika va boshqa sohalarda qoʻshma loyihalarni ilgari surish istiqbollari muhokama qilindi.

Tashrif davomida soliq sohasi va bojxona ishi boʻyicha imzolanayotgan ikki tomonlama bitimlar ahamiyati qayd etilib, bu uzoq muddatli ishbilarmonlik aloqalarni rivojlantirish uchun qulay sharoitlar yaratishi taʼkidlandi.

Shuningdek, iqtisodiyot tarmoqlari va moliya tizimini isloh etishning dolzarb masalalari yuzasidan ham fikr almashildi.

Mavzu:
Shavkat Mirziyoyevning Yaponiyaga ilk rasmiy tashrifi (11)
Teglar:
hamkorlik, tashrif, Mirziyoyev, Yaponiya, Oʻzbekiston

Asosiy mavzular