15:47 03 Aprel 2020
Efir
  • RUB121.10
  • EUR10637.67
  • USD9554.22
Siyosat
Havola olish
599 0 0

Maykl Pompeo Oʻzbekistonning tinchlik va barqarorlikka erishish, Afgʻonistonni ijtimoiy-iqtisodiy tiklashga doir aniq infratuzilma loyihalarini ilgari surishga qaratilgan faol saʼy-harakatlarini qoʻllab-quvvatladi.

TOSHKENT, 3 fev — Sputnik. Oʻzbekiston prezidenti Shavkat Mirziyoyev mamlakatda rasmiy tashrif bilan boʻlib turgan Amerika Qoʻshma Shtatlari davlat kotibi Maykl Richard Pompeoni qabul qildi.

Davlat rahbari matbuot xizmati xabariga koʻra, Shavkat Mirziyoyev keyingi yillarda barqaror, tizimli tus olgan va oʻzaro ishonchga asoslangan koʻp qirrali Oʻzbekiston-AQSH munosabatlari izchil rivojlanib borayotganini katta mamnuniyat bilan qayd etgan.

Maʼlum qilinishicha, keyingi bir necha yil davomida tovar ayirboshlash hajmi ikki barobar koʻpaygan. AQShning yetakchi kompaniyalari ishtirokida mamlakat iqtisodiyotining turli tarmoqlarida istiqbolli loyihalar amalga oshirilmoqda. Amerika investitsiyalarining umumiy hajmi 1 milliard dollardan oshdi.  

AQSH davlat kotibi, oʻz navbatida, koʻrsatilgan samimiy qabul uchun prezidentga  dildan minnatdorlik bildirdi hamda prezident Donald Trampning salomi va eng ezgu tilaklarini yetkazdi.

AQSH tomoni Oʻzbekistonning mustaqilligi, suvereniteti va hududiy yaxlitligini doimo qoʻllab-quvvatlashda qatʼiy ekanini yana bir bor tasdiqladi.

Qayd etilishicha, Maykl Pompeo Oʻzbekiston prezidenti tomonidan mamlakatda olib borilayotgan demokratik yangilanishlar va iqtisodiy islohotlarning natijadorligini yuksak baholagan.

Uchrashuvda mintaqaviy ahamiyatga molik masalalarga alohida eʼtibor qaratildi. Yangi Oʻzbekiston rahbarining siyosati tufayli mintaqada ishonch, sheriklik va yaxshi qoʻshnichilik muhitini shakllantirishda katta natijalarga erishilgani taʼkidlandi.

Iqtisodiyot sohasida AQSH yetakchi kompaniyalarining Oʻzbekiston bozoridagi ishtirokini kengaytirishni oʻzaro qoʻllab-quvvatlash yuzasidan aniq kelishuvlarga erishildi.

Maykl Pompeo bugungi kunda mamlakatda savdo-iqtisodiy hamkorlik koʻlamini bir necha oʻn karra oshirish imkonini beradigan biznes tashabbuslari uchun keng imkoniyatlar mavjud ekanini taʼkidladi. Bundan tashqari, AQSH mamlakatning Jahon savdo tashkilotiga kirish jarayonini jadallashtirishga har tomonlama koʻmaklashishi taʼkidlandi.

Inson salohiyatini rivojlantirish, jumladan, fuqarolik jamiyati rivojini qoʻllab-quvvatlash, insonning asosiy huquq va erkinliklarini taʼminlash, ijtimoiy dasturlarni amalga oshirishda konstruktiv hamkorlikni yanada rivojlantirish masalalari muhokama qilindi.

Afgʻonistonda tinchlikni oʻrnatish, shuningdek, ushbu mamlakatni Markaziy Osiyodagi mintaqaviy hamkorlikka jalb qilish masalalari yuzasidan batafsil fikr almashildi.

Maykl Pompeo Oʻzbekistonning tinchlik va barqarorlikka erishish, Afgʻonistonni ijtimoiy-iqtisodiy tiklashga doir aniq infratuzilma loyihalarini ilgari surishga qaratilgan faol saʼy-harakatlarini qoʻllab-quvvatladi.

Uchrashuv soʻngida Oʻzbekiston va AQSH oʻrtasidagi strategik sheriklik va amaliy hamkorlik munosabatlarini har tomonlama mustahkamlashga ikki tomonning intilishi qatʼiy ekani taʼkidlandi.

Asosiy mavzular