TOShKENT, 11 fev — Sputnik. O‘zbekiston Bosh prokuraturasida yangi tayinlovlar amalga oshirildi.
Idora matbuot xizmati xabariga ko‘ra, Shavkat Mirziyoyevning 2020-yil 10-fevraldagi farmoniga asosan Abduhalim Xolmahmatov O‘zbekiston bosh prokurorining birinchi o‘rinbosari lavozimiga tayinlandi.
Shuningdek, farmon bilan Shuhrat Uzakov bosh prokurorining o‘rinbosari – O‘zbekiston Harbiy prokurori lavozimiga tayinlandi.
Shuhrat Uzakov tayinlovga qadar prezidentning Samarqand viloyati Xalq qabulxonasi mudiri lavozimida ishlagan.
