05:40 07 Iyul 2020
Efir
  • RUB142.48
  • EUR11455.78
  • USD10184.73
Siyosat
Havola olish
136 0 0

Avvalroq Rossiya Federatsiyasi prezidenti matbuot kotibi Dmitriy Peskov koronavirus boʻyicha G20 virtual sammitiga tayyorgarlik haqida gapirib oʻtgan edi.

TOSHKENT, 24 mar - Sputnik. MDH Parlamentlararo assambleyasi (MPA) koronavirus pandemiyasi sababli bahorgi sessiyani bekor qildi, deya xabar beradi RIA Novosti.

Gap rejalashtirilgan barcha xalqaro tadbirlarni bekor qilish haqida ketmoqda: doimiy komissiyalar yigʻilishlari, Parlamentlararo Assambleya kengashi, MPAning 51-yalpi yigʻilishi va Ulugʻ Vatan urushidagi Gʻalabaning 75 yilligiga bagʻishlangan MDH Parlamentlararo Assambleyaning tantanali yigʻilishi.

"Bekor qilish toʻgʻrisidagi qaror noqulay epidemiologik vaziyat va milliy darajalarda safarlarga qoʻyilgan cheklovlar, shuningdek, Birlashgan Millatlar Tashkiloti va Jahon sogʻliqni saqlash tashkiloti tavsiyalarini hisobga olgan holda qabul qilindi", - deyiladi bayonotda.

Shu bilan birga, assambleyaning qonun ijodkorligi va boshqa yoʻnalishlar boʻyicha ishi davom etadi, ammo endi onlayn va videokonferentsiyalar shaklida.

Xabar qilinishicha, MDH mamlakatlarida pandemiya bartaraf etilishi bilan, MPA shtab-kvartirasida xalqaro tadbirlar qayta boshlanadi.

Shunga oʻxshash onlayn formatda yaqinlashib kelayotgan G20 sammitini oʻtkazish xam rejalashtirilmoqda. Uning maqsadi - pandemiyaga qarshi kurashda mamlakatlarning harakatlarini muvofiqlashtirishdir.

Rossiya Federatsiyasi Prezidentining matbuot kotibi Dmitriy Peskovning soʻzlariga koʻra, ayni damda virtual sammit formatiga aniqlik kiritilmoqda va Rossiya tomonidan har qanday tashabbuslar haqida "gapirishga hali erta".

JSST 11-mart kuni COVID-19 virusi avj olishini pandemiya deb eʼlon qildi.

Soʻnggi maʼlumotlarga koʻra, dunyoda 339 mingdan ortiq odam koronavirus infektsiyasiga chalingan. 15 mingdan ortiq odam pandemiya qurboniga aylandi, ammo kasallanganlardan 96 mingdan koʻprogʻi tuzalib ketdi.

Asosiy mavzular