12:24 30 May 2020
Efir
  • RUB121.10
  • EUR10637.67
  • USD9554.22
Siyosat
Havola olish
COVID-19 umumjahon pandemiyasi (879)
67910

Ushbu taʼqiq mamlakatdan chiqib ketayotgan diplomatlar va ularning oila aʼzolari, feldʼyegerlar va diplomatik aloqalar kuryerlari, shuningdek rasmiy delegatsiyalar aʼzolariga joriy etilmaydi.

TOSHKENT, 28 mar — Sputnik. Rossiya Bosh vaziri Mixail Mishustin koronavirus pandemiyasi tufayli Rossiya chegarasidan harakatni cheklashni buyurdi. Tegishli hujjat hukumat saytida eʼlon qilingan.

Gap avtomobil, temiryoʻl, piyoda, daryo va chegaralarda joylashgan aralash punktlar, shuningdek, Rossiya-Belarus davlat chegarasidagi quruqlikdagi hudud haqida bormoqda.

Ushbu taʼqiq mamlakatdan chiqib ketayotgan diplomatlar va ularning oila aʼzolari, feldʼyegerlar va diplomatik aloqalar kuryerlari, shuningdek rasmiy delegatsiyalar aʼzolariga joriy etilmaydi.

Xalqaro qatnovlarni amalga oshiruvchi yuk avtomobillari haydovchilari, daryo kemalari ekipaj aʼzolari, xalqaro temiryoʻl qatnovining poyezd va lokomotiv brigadalari Rossiya chegaralarini kesib oʻtishda davom etaveradi.

Bundan tashqari, yaqin qarindoshi vafoti tufayli chegarani kesib oʻtayotgan, Rossiyaning asosiy qismiga yoki aksincha harakatlanayotgan Kaliningrad viloyati aholisi, shuningdek, Donetsk va Lugansk xalq respublikalarida doimiy istiqomat qiluvchi Rossiya fuqarolariga ushbu taʼqiqlar joriy etilmaydi.

Butunjahon sogʻliqni saqlash tashkiloti 11 mart kuni Xitoydan tarqalgan yangi turdagi COVID-19 koronavirus infektsiyasi epidemiyasini pandemiya, deb eʼlon qildi. BSST taqdim etgan soʻnggi maʼlumotlarga koʻra, dunyo boʻyicha 510 mingdan ziyod kishi ushbu virusni yuqtirgan, 23,5 ming kishi vafot etgan.

Rossiyada koronavirusga chalinganlik boʻyicha 1264 holat qayd etilgan (shulardan 817 nafari Moskvada), 49 kishi sogʻaygan, toʻrt nafari vafot etgan.

Barcha regionlarda yuqori tayyorgarlik holati amal qilmoqda. 30 mart kunidan 5 aprelgacha boʻlgan muddatda dam olish haftaligi eʼlon qilingan, ommaviy tadbirlar taʼqiqlangan, savdo-koʻngilochar va madaniy-hordiq muassasalari yopilmoqda, 65 yoshdan katta kishilarga uydan chiqmaslik tavsiya etilgan. 27 mart kunidan Rossiya barcha mamlakatlar bilan aviaqatnovlarni toʻxtatdi, ammo bu taʼqiq chet eldan qaytarilayotgan rossiyaliklarga joriy etilmaydi. Shuningdek, chegaradan poyezdlar qatnovi toʻxtatilgan.

Mavzu:
COVID-19 umumjahon pandemiyasi (879)

Asosiy mavzular