Mirziyoyev Sardoba to‘g‘onida yuz bergan hodisadan so‘ng Tokayevga qo‘ng‘iroq qildi

© Sputnik / Ramiz BaxtiyarovPrezident Uzbekistana Shavkat Mirziyoyev i prezident Kazaxstana Kasim-Jormat Tokayev
Prezident Uzbekistana Shavkat Mirziyoyev i prezident Kazaxstana Kasim-Jormat Tokayev - Sputnik O‘zbekiston
Obuna bo‘lish
Suhbat davomida ikki davlat Bosh vazirlari boshchiligidagi Hukumatlararo qo‘shma komissiyaning faol ishini davom ettirish muhimligi qayd etildi.

TOShKENT, 2-may - Sputnik. O‘zbekiston prezidenti Shavkat Mirziyoyev 2-may kuni Qozog‘iston prezidenti Qasim-Jomart Toqayev bilan telefon orqali muloqot qildi. Bu haqda O‘zbekiston prezidenti matbuot xizmati xabar qilmoqda.

Iz-za proriva dambi v Sirdarye, v Kazaxstane evakuirovali jiteley sel - Sputnik O‘zbekiston
Sardobadagi damba yorilishidan so‘ng, Qozog‘istondagi aholi evakuatsiya qilindi

Ta’kidlanishicha, suhbat avvalida davlat rahbarlari Sardoba suv omboridagi favqulodda hodisa bilan bog‘liq joriy vaziyatni hamda uning mamlakatlar chegaraoldi hududlaridagi oqibatlarini bartaraf etish bo‘yicha yaqin hamkorlikni tashkil etish masalalarini batafsil muhokama qilgan.

Prezidentlar hukumatlarga ishni muvofiqlashtirgan holda ta’minlash va yuzaga kelayotgan barcha masalalarni tezkor hal qilish bo‘yicha topshiriq berdilar.

Shuningdek, mamlakatlarda koronavirus infeksiyasi tarqalishiga qarshi kurashish va uning ikki tomonlama savdo-iqtisodiy aloqalarga salbiy ta’sirini kamaytirish borasida amalga oshirilayotgan samarali chora-tadbirlar qo‘llab-quvvatlandi.

Muloqot chog‘ida O‘zbekiston va Qozog‘iston o‘rtasidagi do‘stlik, yaxshi qo‘shnichilik va strategik sheriklik munosabatlarini mustahkamlash masalalariga hamda ko‘p qirrali hamkorlikni yanada kengaytirish istiqbollariga alohida e’tibor qaratildi.

Situatsiya v Sirdarinskoy oblasti, gde proizoshel proriv dambi na Sardobskom vodoxranilishe - Sputnik O‘zbekiston
Suv ostida qolgan hududlar - Sardoba to‘g‘oni yorilgan joydan olingan kadrlar

Ikki davlat Bosh vazirlari boshchiligidagi Hukumatlararo qo‘shma komissiyaning faol ishini davom ettirish muhimligi qayd etildi.

Iqtisodiyotning ustuvor tarmoqlarida, shu jumladan, Kostanay shahridagi qo‘shma korxonada avtomobil ishlab chiqarishni kengaytirish, qishloq xo‘jaligi mahsulotlarini yetishtirish va qayta ishlash, uchinchi mamlakatlar bozorlariga chiqarish, zamonaviy transport-logistika infratuzilmasini rivojlantirish va boshqa yo‘nalishlar bo‘yicha qator yangi dastur va loyihalarni tayyorlash va amalga oshirish yuzasidan kelishuvga erishildi.

Prezidentlar xalqaro va mintaqaviy ahamiyatga molik dolzarb masalalar yuzasidan ham fikr almashdilar.

Turkiy tilli davlatlar hamkorlik kengashi navbatdan tashqari sammitida erishilgan kelishuvlarga muvofiq o‘tgan sog‘liqni saqlash va transport vazirlari onlayn anjumanlarining samarali natijalari mamnuniyat bilan qayd etildi.

Yangiliklar lentasi
0