10:23 03 Iyun 2020
Efir
  • RUB121.10
  • EUR10637.67
  • USD9554.22
Siyosat
Havola olish
109 0 0

Hamdoʻstlik tashqi ishlar vazirlari virtual uchrashuvining kun tartibida turizmni rivojlantirish, yoshlar aloqalarini faollashtirish, sport va madaniyat sohasidagi hamkorlikni kengaytirish. 2020 yilda MDHga Oʻzbekiston raislik qilmoqda.

TOSHKENT, 5 may - Sputnik. 12 may kuni MDH Tashqi siyosiy idoralari rahbarlari Kengashining videokonferentsiya tarzida yigʻilishi boʻlib oʻtadi. Ushbu tadbir masofaviy boʻlishiga qaramay, vazirlar Hamdoʻstlik mamlakatlari fuqarolarining bevosita aloqalarini nazarda tutgan dastur va rejalarni muhokama qiladilar.

 Prezident RF Vladimir Putin na tseremonii sovmestnogo fotografirovaniya Soveta glav gosudarstv Sodrujestva Nezavisimыx Gosudarstv (SNG). Sleva napravo: prezident Azerbaydjana Ilxam Aliyev, premyer-ministr Armenii Nikol Pashinyan, prezident Belorussii Aleksandr Lukashenko, prezident Kazaxstana Kasыm-Jomart Tokayev, prezident Kirgizii Sooronbay Jeenbekov, p.rezident, predsedatel kabineta ministrov Turkmenii Gurbangulы Berdыmuxamedov. Sprava nalevo: predsedatel Ispolnitelnogo komiteta - ispolnitelnыy sekretar Sodrujestva Nezavisimыx Gosudarstv (SNG) Sergey Lebedev, prezident Uzbekistana Shavkat Mirziyoyev, prezident Tadjikistana Emomali Raxmon i prezident Moldavii Igor Dodon.
Press-slujba premyer-ministra Armenii

MDH Ijroya qoʻmitasi matbuot xizmatining xabar berishicha, tashqi ishlar vazirlari Kengashi kun tartibi loyihasiga kiritilgan hujjatlarning muhim qismi gumanitar masalalarga qaratilgan. Gap MDHga aʼzo davlatlarning 2021–2030 yillarga moʻljallangan xalqaro yoshlar hamkorligi strategiyasi haqida ketadi. Asosiy maqsad - Hamdoʻstlik mamlakatlari yoshlarining aloqalarini faollashtirishdir. Vazirlar 2021–2025 yillarga moʻljallangan qoʻshma madaniy tadbirlar roʻyxatini ham muhokama qiladilar.

Yana bir loyiha - Mustaqil Davlatlar Hamdoʻstligi tarmoq universitetini (MDH TU) tashkil etish va ishlashi toʻgʻrisidagi bitim. Universitet qoʻshma taʼlim dasturlarini amalga oshirish uchun birlashtirilgan taʼlim tashkilotlari tarmogʻi boʻladi.

Bundan tashqari, MDH Tashqi ishlar vazirlari Kengashi yigʻilishida 2021–2030 yillarda turizmni rivojlantirish Strategiyasi muhokama qilinadi. Ushbu hujjat Hamdoʻstlikka aʼzo davlatlarning davlat organlari, milliy turizm tashkilotlari va boshqa turizm industriyasi subʼyektlarining saʼy-harakatlarini birlashtirishga yordam beradi.

Jismoniy tarbiya va sport sohasidagi Taraqqiyot strategiyasi ham uzoq vaqtga moʻljallangan (2021-2030 yillar). Uning vazifasi Hamdoʻstlik hududidagi milliy tashkilotlar oʻrtasidagi sheriklik aloqalarini kengaytirishdir.

Shuningdek, vazirlar xalqaro kun tartibidagi dolzarb masalalar yuzasidan fikr almashadilar va TIVning 2020 yilga koʻp darajali  tashqi ishlar vazirligi idoralariaro maslahatlashuvlar rejasini tasdiqlashadi. Bu turli xalqaro maydonlarda idoralarni muvofiqlashtirishni koʻzda tutadi.

MDH TIV rahbarlari korruptsiyaga qarshi kurash va MDHga aʼzo davlatlar qurolli kuchlarining qoʻshma aloqa tizimini yaratish masalalarini muhokama qiladilar. Rossiya tomonining taklifiga binoan MDH Tashqi ishlar vazirlari Kengashining kun tartibiga xalqaro huquqning rolini kuchaytirish toʻgʻrisidagi tashqi ishlar vazirlarining  Qoʻshma bayonot berishining qoʻshimcha masalasi kiritildi.

Asosiy mavzular