18:39 04 Iyun 2020
Efir
  • RUB121.10
  • EUR10637.67
  • USD9554.22
Siyosat
Havola olish
76010

Rossiya yetakchisining aytishicha, rossiyaliklar hayoti asosi - avloddan avlodga meros boʻlgan Vatanga boʻlgan muhabbatdir

TOSHKENT, 8 may – Sputnik. Rossiya prezidenti Vladimir Putin davlat xavfsizligi organlaridagi faoliyati davomida asosan nolegal razvedka yoʻnalishida ishlagani haqida gapirdi.

Rossiya yetakchisi Gʻalaba kuni arafasida "Mir" teleradio kompaniyasiga intervyu berdi.

"Albatta, ajdodlarimiz - otalarimiz, onalarimiz, buvi va buvalarimiz oʻzlarini qanday tutishganini hamisha yodimizda saqlashimiz kerak. Ular oʻz Vatanlariga, ayniqsa, u xatarda qoladigan boʻlsa, qanday munosabatda boʻlishganini dasturi amal qilib olishimiz lozim", - dedi Putin.

Davlat rahbari fikricha, odamlar aynan shu merosdan kelib chiqqan holda oʻz xatti-harakatlarini shakllantirishlari kerak. "Lekin xuddi shunday holatda biz oʻzimizni qanday tutishimiz lozimligi faqat bizga bogʻliq boʻlishi kerak", - deya davm etdi u.

"Oliy oʻquv dargohini - Leningrad davlat universitutini tamomlaganimdan keyin mening birinchi ish joyim - davlat xavfsizligi organlari boʻlgan. Men qisqa fursat ichida tashqi razvedkaga ishga oʻtganman va asosan nolegal razvedka liniyasida ishlaganman", - dedi Putin.

"Bizni u yerda Vatanga mutlaq sadoqat ruhida tarbiyalashgan. Ammo 1941 yilda ota va bobolarimiz boshiga tushgan kunlar bizning boshimizga tushishidan Xudo asrasin", - deb qoʻshimcha qildi u.

Rossiyaliklar gʻoliblar avlodidan qanday feʼl-atvorni meros olganliklari haqidagi savolga javob berar ekan, Rossiya yetakchisi: "Bunday savolga fundamental iboralar bilan javob berish lozimligi, bunday iboralarni Gʻalaba sharafiga otiladigan salyut va pushka toʻplari ovoziga taqqoslash mumkinligini aytgan.

Prezident oddiy ishchi oilasida tarbiyalanganini esga olgan.

"Ular menga qanday munosabatdaligini darhol tushunmaganman. Negaki kichkina bolalar oʻz atrofida sodir boʻladigan voqealarga bu shunday boʻlishi kerakdek munosabatda boʻladilar. Lekin ulgʻayar ekanman, ular hayotining mazmuni, asosi, har holda men dunyoga kelgach, mening kamolotga yetishim va shaxs sifatida shakllanishim, katta hayotga tayyor boʻlishim, taʼlim olishim uchun barcha sharoitlarni hozirlab berish singari intilish yotganiga guvoh boʻlganman. Men ularning menga boʻlgan munosabati asosida muhabbat yotganini tushunganman", - dedi prezident.

Ota-onasining oʻz yaqinlariga, doʻstlariga, tanishlariga va shunchaki, odamlarga boʻlgan munosabatini koʻrib, Putinda ular hayotining asosi, hayoti mazmuni muhabbatligini tushungan, "yaʼni inson oʻz hayoti asosini tashkil etuvchi barcha narsalarni ardoqlashi kerakligini bilgan".

"Va bu birinchi navbatda Vatandir... Fikrimcha - bu bizning hayotimiz asosi, butun Rossiya tarixi unga tayanadi. U ongli ravishda yoki ixtiyorsiz bizga avloddan avlodga meros boʻlib oʻtaveradi. Ayni holatda esa gʻoliblar avlodidan bizga meros bu Vatan", - deya xotima qilgan davlat rahbari.

Asosiy mavzular