03:04 02 Iyun 2020
Efir
  • RUB121.10
  • EUR10637.67
  • USD9554.22
Siyosat
Havola olish
136 0 0

Vazirlik adliya organlari va muassasalari faoliyatiga raqamli texnologiyalarni keng joriy etadi hamda davlat xizmatlarini raqamlashtirish orqali “virtual adliya” tizimini ishga tushiradi.

TOSHKENT, 21 may — Sputnik. Prezident farmoni bilan Adliya vazirligi zimmasiga qoʻshimcha vazifalar yuklatildi.

Jumladan, vazirlik adliya organlari va muassasalari faoliyatiga raqamli texnologiyalarni keng joriy etadi hamda davlat xizmatlarini raqamlashtirish orqali “virtual adliya” tizimini ishga tushiradi.

Farmon bilan 2020–2024 yillarda adliya organlari va muassasalarini rivojlantirish kontseptsiyasi va kontseptsiyani 2020–2021 yillarda amalga oshirish boʻyicha “Yoʻl xaritasi” tasdiqlandi.

Shuningdek, 2020–2024 yillarda adliya organlari va muassasalarini rivojlantirishning maqsadli koʻrsatkichlari (indikatorlari) tasdiqlandi.

Vazirlik 2020 yil yakuniga qadar shu jumladan quyidagi asosiy maqsadli koʻrsatkichlarga (indikatorlarga) erishilishini taʼminlaydi:

  • Vazirlik tomonidan ishlab chiqiladigan qonun hujjatlarini toʻgʻridan-toʻgʻri amal qiluvchi qonun loyihalari sifatida qabul qilish orqali ularning ulushini 20 foizga yetkazish;
  • davlat boshqaruvi tizimini funktsional tahlil qilgan holda vazirlik va idoralarning kamida 10 ta funktsiyalarini nodavlat sektorga oʻtkazish boʻyicha taklif kiritish;
  • 2018–2019 yillarda yangi (qayta) tashkil qilingan 8 ta vazirlik va idoralar faoliyatini oʻrganish;
  • elektron shaklda koʻrsatiladigan davlat xizmatlari ulushini 12 foizga yetkazish;
  • aholiga Davlat xizmatlari markazlari tomonidan koʻrsatiladigan yangi xizmatlar sonini 15 taga oshirish;
  • nodavlat notariat shakliga aylantirilgan davlat notarial idoralarining ulushini 95 foizga yetkazish;
  • 29 ta qonunosti hujjatlari bilan belgilangan javobgarlik va sanktsiya normalarini chuqur tahlil qilish va tegishli qonunlarga kiritilishini taʼminlash.

Asosiy mavzular