13:18 09 Avgust 2020
Efir
  • RUB137.46
  • EUR12021.09
  • USD10209.86
Siyosat
Havola olish
289 0 0

Taʼkidlanishicha, hodisa natijasida ikki tomondan ham jabrlanganlar bor. Ularga zarur tibbiy yordam koʻrsatilgan.

TOSHKENT, 1 iyun — Sputnik. Oʻzbekiston Tashqi ishlar vazirligi 31 may kuni Oʻzbekiston-Qirgʻiziston davlat chegarasidagi yuz berdi hodisa yuzasidan rasmiy bayonot berdi.

“Voqea sabablarini ikki tomon rasmiy shaxslari oʻrganishi shuni koʻrsatdiki, Chashma bulogʻining ariqlarini birgalikda tozalash paytida yuzaga kelgan bahslashuv natijasida ikki mamlakatning ayrim fuqarolari oʻrtasida mojaro kelib chiqqan. Hodisa natijasida ikki tomondan ham jabrlanganlar bor. Ularga zarur tibbiy yordam koʻrsatildi. Ikki mamlakatning chegaradosh viloyatlari rahbarlarining muzokaralari natijasida vaziyat toʻliq nazoratga olindi. Tomonlar bundan keyin oldindan kelishuvsiz tozalash ishlarini olib bormaslikka kelishib oldilar”, - deyilgan xabarda.

Taʼkidlanishicha, Chashma bulogʻi Oʻzbekiston va Qirgʻiziston aholisini ichimlik va sugʻorish suvi bilan taʼminlaydi.

“Oʻzaro manfaatlarni inobatga olgan holda Chashma bulogʻidan birgalikda foydalanish toʻgʻrisida kelishuv mavjud”, - deya taʼkidlangan xabarda.

1 iyun kuni Oʻzbekiston bosh vaziri Abdulla Aripovning Qirgʻiziston hukumati rahbari Kubatbek Boronov bilan uchrashuvi boʻlib oʻtdi.

Uchrashuvda ikki tomonlama hamkorlikka oid keng koʻlamli masalalar muhokama qilindi. Transchegaraviy hamkorlikni rivojlantirish va chegarada yuzaga keladigan muammolarni doʻstlik, yaxshi qoʻshnichilik va strategik sheriklik ruhida, shuningdek, Oʻzbekiston va Qirgʻiziston oʻrtasida 2017 yil 6 oktabrda imzolangan Chegara hududida ishonch choralari boʻyicha bitim qoidalariga muvofiq hal qilish toʻgʻrisida kelishuvga erishildi.

Hukumat rahbarlari yaqin vaqt ichida Iqtisodiy hamkorlik boʻyicha hukumatlararo komissiya yigʻilishi va Oʻzbekiston Respublikasining chegaradosh viloyatlari hokimlari va Qirgʻiziston hukumatining chegaraoldi hududlaridagi vakolatli vakillari Kengashini oʻtkazishga kelishib oldi.

Ikki mamlakat delegatsiyalari rahbarlari birgalikda mahalliy aholi bilan ham uchrashuv oʻtkazdi.

Asosiy mavzular