06:36 01 Oktyabr 2020
Efir
  • RUB132.07
  • EUR12003.57
  • USD10321.21
Siyosat
Havola olish
37020

Soʻnggi yillarda Oʻzbekiston va Qirgʻiziston nafaqat savdo-iqtisodiy, balki madaniy-gumanitar aloqalarni ham faol rivojlantirmoqda, dedi Qirgʻiziston Respublikasi prezidenti.

TOSHKENT, 12 iyun - Sputnik. Qirgʻiziston, Yevrosiyo iqtisodiy ittifoqi (YEOII) mamlakatlari qatori, oʻzining yaqin qoʻshnilari, jumladan qardosh Oʻzbekiston bilan savdoni rivojlantirish va iqtisodiy aloqalarni mustahkamlashdan manfaatdor, dedi qoʻshni davlat prezidenti Sooronbay Jeyenbekov 11 iyun kuni Oʻsh viloyatining Aravon tumaniga tashrifi chogʻida. Bu haqda davlat rahbarining matbuot xizmati xabar berdi.

"Yaxshi qoʻshni uzoq qarindoshdan yaxshiroq" degan maqol bor. Qirgiz va oʻzbek xalqlari asrlar davomida yonma-yon yashab kelib, doʻstona munosabatda boʻlishgan. Ota-bobolarimiz qarindoshlik rishtalarini oʻrnatib, ikki xalqning birligini qoʻllab-quvvatlab kelgan. Ikki mamlakat bir-biriga nafaqat geografik yaqindir, bizning tariximiz, dinimiz, tilimiz bir va anʼanalarmiz ham oʻxshash”, - dedi Jeyenbekov.

Soʻnggi yillarda Qirgʻiziston va Oʻzbekiston nafaqat savdo-iqtisodiy, balki madaniy-gumanitar aloqalarni ham faol rivojlantirmoqda.

"Prezident lavozimiga Shavkat Miromonovich Mirziyoyevning kelishi bilan Qirgʻiziston va Oʻzbekiston oʻrtasidagi doʻstlik va yaxshi qoʻshnichilik yanada mustahkamlanmoqda. Biz yaxshi qoʻshnichilik va oʻzaro manfaatli munosabatlarni saqlashga intilmoqdamiz, barcha muammolarni hal qilamiz, buning uchun sabr va vaqt talab etiladi. Biz bolalarimiz va davlatimiz kelajagi uchun qoʻshni davlatlar bilan doʻstlikni mustahkamlash siyosatini davom ettiramiz", - dedi prezident.

Eslatib oʻtamiz, 31 may kuni oʻzbek-qirgʻiz chegarasida Soʻx tumani va Qirgʻizistonning Botken viloyati Qadamjoy tumani aholisi oʻrtasida mahalliy mojaro kelib chiqqan, natijada 187 nafar oʻzbekistonlik va 25 nafar Qirgʻiziston fuqarosi jarohatlangan.

1 iyun kuni tumanga Oʻzbekiston Respublikasi Bosh vaziri Abdulla Aripov tashrif buyurdi. U yerda u Qirgʻiziston hukumati rahbari vazifasini bajaruvchi Kubatbek Boronov bilan uchrashdi va mahalliy aholi bilan suhbatlashdi.

Chegara mojarosini ikki mamlakat prezidentlari Shavkat Mirziyoyev va Sooronbay Jeyenbekov ham telefon orqali muhokama qildilar. Davlat rahbarlari bunday vaziyatning takrorlanishiga yoʻl qoʻymaslik uchun kompleks chora-tadbirlar koʻrish muhimligini taʼkidladilar.

Asosiy mavzular