20:38 26 Sentyabr 2020
Efir
  • RUB136.28
  • EUR12210.60
  • USD10315.62
Siyosat
Havola olish
294 0 0

Vladimir Putin va Donald Tramp telefon suhbatida Eron yadroviy dasturini va ikki tomonlama munosabatlarni muhokama qilishdi.

TOSHKENT, 24 iyul - Sputnik. Rossiya prezidenti Vladimir Putin amerikalik hamkasbi Donald Tramp bilan telefon orqali suhbatlashdi. Suhbat davomida ikki tomonlama munosabatlar va Eron yadroviy dasturi muhokama qilindi, deb xabar beradi Kreml matbuot xizmati.

“Rossiya va AQShning xalqaro tinchlik va xavfsizlikni saqlashdagi alohida masʼuliyatini hisobga olgan holda strategik barqarorlik va qurollar nazorati masalalari chuqur koʻrib chiqildi. Shu nuqtai nazardan, ushbu masalalar boʻyicha ikki tomonlama maslahatlashuvlar, shu jumladan strategik hujumkor qurollarni qisqartirish va cheklash toʻgʻrisidagi Shartnoma mavzusi boʻyicha, dolzarbligi tasdiqlandi”, - deyiladi xabarda.

Tomonlar ilgari Putin tomonidan taklif etilgan, xalqaro xavfsizlikning keng koʻlamli muammolari boʻyicha BMT Xavfsizlik Kengashining doimiy aʼzo-mamlakatlari sammitini oʻtkazish toʻgʻrisidagi tashabbusning muhimligini taʼkidladilar.

Ikki davlat yetkachilari Eronning yadroviy dasturini muhokama qildilar, bunda mintaqaviy barqarorlikni va yadro qurollarini tarqatmaslikning global rejimini saqlash uchun jamoaviy harakatlar zarurligini taʼkidladilar.

Bundan tashqari, davlat rahbarlari Rossiya-Amerika savdo-iqtisodiy hamkorligini rivojlantirishga tayyorligini bildirishdi, koronavirus tarqalishiga qarshi kurashda hamkorlikka ijobiy baho berishdi va “Soyuz-Apollon” qoʻshma dasturi doirasida orbital parvozning 45 yilligi bilan bir-birlarini qutladilar.

Kremlda suhbat samarali va mazmunli oʻtganini taʼkidladilar.

Sputnik  radiosi aprel oyi oʻrtasida Putin va Tramp Elba uchrashuvini nishonlash toʻgʻrisida bayonot berganlarini xabar qilgandi.

Asosiy mavzular