14:50 27 Sentyabr 2020
Efir
  • RUB136.28
  • EUR12210.60
  • USD10315.62
Siyosat
Havola olish
COVID-19 umumjahon pandemiyasi (1165)
811 0 0

Mamlakatda oxirgi bir haftada 5 mingdan ortiq yangi kasal aniqlanib, jami virus yuqtirganlar soni 27 mingtaga yaqinlashdi. Eng yomoni, koranovirusga qoʻshimcha tarzda, asorati ogʻirroq boʻlgan pnevmoniya holatlari ham koʻpaymoqda.

TOSHKENT, 4 avg - Sputnik. Shavkat Mirziyoyev navbatdagi videoselektor yigʻilishi oʻtkazmoqda. Tadbirda Oʻzbekiston boʻylab koronavirus pandemiyasini jilovlash borasida amalga oshirilayotgan ishlar chuqur tahlil qilinmoqda, deb xabar berdi prezident matbuot-xizmati.

Jumladan, oxirgi paytda dunyoda COVID-19 infektsiyasining tarqalishi keskin tezlashib, jami kasallar soni 19 millionga yaqinlashgani, qurbonlar ham koʻpaygani afsus bilan taʼkidlandi. Vaziyat gʻoyat jiddiyligini 31 iyulda Jahon sogʻliqni saqlash tashkiloti pandemiya bilan bogʻliq xalqaro favqulodda holatni yana 3 oyga uzaytirgani ham koʻrsatib turibdi.

Mamlakatda oxirgi bir haftada 5 mingdan ortiq yangi kasal aniqlanib, jami virus yuqtirganlar soni 27 mingtaga yaqinlashdi. Eng yomoni, koranovirusga qoʻshimcha tarzda, asorati ogʻirroq boʻlgan pnevmoniya holatlari ham koʻpaymoqda.

Ushbu holatni inobatga olib, qoʻshimcha choralar koʻrildi. Jumladan, oxirgi 20 kunda koronavirusni davolash oʻrinlari 3,5 barobarga koʻpaytirildi va qariyb 65 mingtaga yetkazildi. Joylarga qoʻshimcha ravishda qariyb 800 ta tez tibbiy yordam mashinalari yetkazib berildi.

Qoʻshimcha 4 mingta nafas berish uskunalari (OʻSV, portativ sunʼiy nafas berish apparati, kislorod kontsentratori) olib kelinib, ularning soni 6,5 mingtaga yetdi.

"Aholi oʻrtasida virus tarqalishining oldini olish va bemorlarni davolash boʻyicha olib borilayotgan tizimli ishlarni yanada kuchaytirgan holda davom ettirishimiz zarur", – dedi davlat rahbari.

Xususan, Sogʻliqni saqlash vazirligi, hokimlar va sektorlar rahbarlari koronavirus va pnevmoniyani davolash boʻyicha har tomonlama tayyor boʻlishi, har bir bemorga kerakli tibbiy yordam koʻrsatilishi, ularning holatidan kelib chiqib shifoxonaga yotqizilishi va davolanishi uchun shaxsan javobgar boʻlishi qayd etildi.

Joylardagi birlamchi tibbiy xizmat koʻrsatish tizimi ishini yanada jonlantirish kerakligi taʼkidlandi.

 

Maʼlumki, bugun qator mamlakatlar sogʻliqni saqlash va farmatsevtika tizimlarida koronavirus davosini topish yoʻlida tinimsiz izlanishlar olib borilmoqda. Misol uchun, Xitoy, Hindiston, Buyuk Britaniya, Rossiya farmatsevtika kompaniyalari yaqin vaqt ichida vaktsina ishlab chiqarishni boshlashi haqida xabar qilinyapti.

Bosh vazir oʻrinbosari Behzod Musayevga bir hafta muddatda yetakchi olimlar va tajribali shifokorlar bilan maslahatlashgan holda, vaktsinani xarid qilish va mamlakatimiz aholisi vaktsinatsiyasini amalga oshirish yoʻllarini puxta oʻrganib chiqish topshirigʻi berildi.

 

Mavzu:
COVID-19 umumjahon pandemiyasi (1165)

Asosiy mavzular