06:29 01 Oktyabr 2020
Efir
  • RUB132.07
  • EUR12003.57
  • USD10321.21
Siyosat
Havola olish
96020

Bugun Senatning oltinchi yalpi majlisi boʻlib oʻtmoqda. Unda parlament yuqori palatasi Raisi Tanzila Narbayeva oʻz nutqida karantin choralari bosqichma-bosqich bekor qilinishini aytdi

TOSHKENT, 7 avg - Sputnik. Oliy Majlis Senatining oltinchi yalpi majlisida Senat raisi Tanzila Norboyeva koronavirus pandemiyasi tufayli Oʻzbekistonda kiritilgan cheklovlar bosqichma-bosqich bekor qilinishini maʼlum qildi.

"Hozirgi qiyinchiliklar albatta oʻtadi. Pandemiya ham barham topadi. Biroq kelgusida bu kabi qiyinchiliklar boʻlmaydi deb hech kim kafolat bera olmaydi. Shunday ekan, barcha sohalardagi tartib-taomillarni mana shunday sharoitlarga moslashtirishimiz zarur deb hisoblaymiz. Endilikda karantin choralari bosqichma-bosqich bekor qilinadi. Aholi oʻrtasida sogʻlom turmush tarzi toʻgʻrisidagi keng targʻibot ishlarini kuchaytirishimiz, kasallikka chalinganlarni ishlab chiqilgan protokollar asosida davolash bilan birga normal hayotga qaytarishimiz, yaʼni iqtisodiyotimizni rivojlantirishimiz zarur", - dedi Narbayeva.

Narbayevaning taʼkidlashicha, bunda ayniqsa qonunlarni takomillashtirish birinchi galdagi vazifa hisoblanadi. Shu bois, Narbayevaning aytishicha, koronavirus pandemiyasi davrida vujudga kelgan muammolardan kelib chiqib amaldagi qonun hujjatlarini takomillashtirish boʻyicha takliflar ishlab chiqish uchun Senat huzurida ishchi guruh tuzilgan.

"Senatorlar, vazirlik va idoralar vakillari ekspert-olimlardan iborat mazkur ishchi guruh tomonidan tahlillar olib borilib, tegishli takliflar ishlab chiqilmoqda. Mazkur yoʻnalishda barcha davlat va nodavlat tuzilmalar, ilmiy va ishbilarmon doira vakillari, fuqarolar, hullas jamiyatning barcha  faol aʼzolari oʻzlarining taklif-mulohazalarini bizga berishsa juda ham yaxshi boʻlardi", - deb qayd etdi Senat raisi.

 

Asosiy mavzular