03:02 29 Sentyabr 2020
Efir
  • RUB132.07
  • EUR12003.57
  • USD10321.21
Siyosat
Havola olish
1037 0 0

Gorbachev Sovet Ittifoqi parchalanish vaqtida u ham ishchilarga murojaat qilganini, lekin kutilgan yordamni ola olmaganini aytib oʻtdi.

TOSHKENT, 19 avg - Sputnik. SSSR sobiq prezidenti Mixail Gorbachyovning fikricha, Belarus prezidenti Aleksandr Lukashenko mamlakat korxonalari ishchilariga koʻmak uchun juda kech murojaat qilgan. RIA Novosti xabariga asosan.

"Lukashenko sanoat korxonalari ishchilariga qoʻllab-quvvatlashini soʻrab murojaat qildi. Lekin, menimcha, kech boʻlgan", - dedi u "Komsomolskaya pravda" gazetasi bilan suhbatda.

Shuningdek Gorbachev Belarusdagi hodisalarning chet el taʼsiriga eʼtibor qaratdi.

Siyosatchi Sovet Ittifoqi davri ohirida u ham mehnatkashlarga koʻmak uchun murojaat qilganini taʼkidladi.

"Kerakligicha yordamni olishga muvaffaq boʻlmadik. Men aybni ishchilarga agʻdarishga moyilligim yoʻq", - dedi Gorbachyov.

U Sovet Ittifoqi prezidenti lavozimini "parchalanish va ichki urushning oldini olish maqsadida" tark etganini tushuntirdi.

Toʻqqizinchi avgust kuni Belarusda prezidentlik saylovlari boʻlib oʻtdi. Markaziy saylov komissiyasining maʼlumotlariga koʻra, davlat rahbari Aleksandr Lukashenko 80,1 foiz ovoz toʻplagan, Tixanovskaya esa 10,12 foiz ovoz olgan. Muxolifat ushbu natijalarni tan olishdan bosh tortdi.

Saylov tugashi bilanoq ommaviy norozilik namoyishlari boshlandi. Avvaliga ular xavfsizlik kuchlari tomonidan koʻzdan yosh oqizuvchi gaz, suv purkagichlar, ovoz va yorugʻlik granatalari va rezina oʻqlardan foydalangan holda qattiq bostirildi, ammo keyin mitinglarni tarqatish toʻxtatildi. Rasmiy maʼlumotlarga koʻra, dastlabki kunlarda taxminan yetti ming kishi hibsga olindi, IIV maʼlumotlariga koʻra, yuzlab odamlar jarohatlandi, ularning orasida 120 dan ortiq huquq-tartibot xodimlari, uch kishi halok boʻldi.

Asosiy mavzular