12:46 25 Oktyabr 2020
Efir
  • RUB133.19
  • EUR12153.63
  • USD10371.76
Siyosat
Havola olish
229 0 0

Oʻzbekistonda koʻp asrlik tarixiy va qarindoshlik rishtalari, umumiy madaniy hamda maʼnaviy qadriyatlar bilan mustahkam bogʻlangan birodar Qirgʻiziston xalqiga har tomonlama koʻmak koʻrsatishga tayyorligini bildirgan

TOSHKENT, 7 okt - Sputnik. Oʻzbekiston Tashqi ishlar vazirligining Qirgʻiziston Respublikasida yuzaga kelgan vaziyat va voqealar rivojidan tashvish bildirdi.

"Qirgʻiz Respublikasida yuzaga kelgan keskin vaziyat va voqealar rivoji Oʻzbekiston Respublikasida jiddiy tashvish uygʻotmoqda. Oʻzbekiston yaqin qoʻshni va strategik sherik sifatida qardosh Qirgʻizistondagi vaziyatning mamlakat Konstitutsiyasi va milliy qonunchiligi normalariga muvofiq tez orada barqarorlashuviga umid qiladi. Oʻzbekiston bilan Qirgʻiziston oʻrtasidagi doʻstlik, yaxshi qoʻshnichilik va koʻp qirrali hamkorlik munosabatlarini yana-da rivojlantirish hamda mustahkamlashga qatʼiy sodiqligimizni yana bir bor tasdiqlaymiz", - deyiladi TIV bayonotida.

Qirgʻizistonning barqarorligi va mustahkam rivojlanishi butun Markaziy Osiyo mintaqasi xavfsizligi va farovonligining muhim omili hisoblanadi.

"Hozirgi murakkab vaziyatda biz Oʻzbekistonda koʻp asrlik tarixiy va qarindoshlik rishtalari, umumiy madaniy hamda maʼnaviy qadriyatlar bilan mustahkam bogʻlangan birodar Qirgʻiziston xalqiga har tomonlama koʻmak koʻrsatishga tayyormiz", - deb qoʻshimcha qilingan xabarda.

Asosiy mavzular