18:32 21 Oktyabr 2020
Efir
  • RUB133.19
  • EUR12153.63
  • USD10371.76
Siyosat
Havola olish
630 0 0

Vladimir Putinning sinfdoshlari kelajakda Rossiya prezidenti boʻlgan inson bilan oʻqish qanday boʻlganini esga olishdi

TOSHKENT, 7 okt – Sputnik. Rossiya prezidenti Vladimir Putin chorshanba, 7 oktyabr kuni oʻz tavallud ayyomini nishonlamoqda. Bugun u 68 yoshni qarshi oldi.

"Komsomolskaya pravda" muxbiri hozirgi Rossiya yetakchisi bilan maktabda va oliygohda birga tahsil olgan insonlardan intervyu oldi. Ular Putin qanday boʻlganini va bu yillar oraligʻida qanday oʻzgargani haqida soʻzlashdi.

Vladimir Putinning sinfdoshi Svetlana Potapchukning xotirlashicha, uni hamisha tashqi koʻrinishi ajratib turgan.

"Hamisha ozoda kiyingan, dazmollangan moviy rang koʻylak, qora kostyum va boʻyinbogʻda boʻlardi", - deydi Svetlana.

Ayolning soʻzlariga koʻra, Putin oʻqish davrida tarix, nemis tili va adabiyot darslarini yaxshi koʻrgan. Insholarni zoʻr yozgan - ulardan birini oʻqituvchi hatto radioga yuborgan. Shuningdek, u nemis tilini ham yaxshi bilgan.

"Men uni juda mehribon inson sifatida yaxshi eslayman. Ammo u hamisha band edi - boʻsh vaqtining hammasini mashgʻulotlarga, kurash boʻyicha musobaqalarga sarflardi, - deya hikoya qiladi prezidentning sinfdoshlaridan yana biri Anna Kisello (qizlik familiyasi Mixaylova).

Ammo Vladimir Putin maktab vaqtida hech kimga koʻchirishga bermagan.

"Qizlar uni aqlliligi uchun juda ardoqlashardi. Ammo uning oʻzi hech kimga alohida takalluf koʻrsatmas edi", - deydi Svetlana Potapchuk.

Putin maktabda chogʻidayoq razvedkachi boʻlishni orzu qilgan.

"U oʻsha vaqtdayoq bizda siyosat boʻyicha dars oʻtardi. Putin buni juda yaxshi uddalar edi. Hozir ham u xalq tushunadigan sodda tilda qanday gapirishini koʻraman - buning hammasi maktab davridan", - deb taʼkidlaydi sinfdosh ayol.

Vladimir Putin hayotida dzyudo boʻyicha treneri Anatoliy Raxlin muhim rol oʻynagan. U inson oʻz oʻquvchilaridan faqat kurashda emas, balki maktab dasturi boʻyicha ham yaxshi muvaffaqiyatlarga erishishlarini talab qilgan - baholarni shaxsan tekshirgan.

Birinchi prezidentlik muddati oldidan Anatoliy Raxlin Vladimiru Vladimirovichga shunday nasihat qiladi: "Hujum qilayotib - himoyalan, himoyalanayotib - hujum qil".

Rossiya yetakchisining kursdoshlari Putin oʻsha vaqtda ham "xuddi hozirgidek hazillar qilganini" taʼkidlashadi.

Asosiy mavzular