15:42 28 Noyabr 2020
Efir
  • RUB136.69
  • EUR12344.73
  • USD10414.86
Siyosat
Havola olish
109640

Sobiq ittifoq davlatlari bilan munosabatlarimiz qanday shakllanmasin, manfaatlar birligi baribir tosh bosadi, dedi Putin.

TOSHKENT, 23 okt - Sputnik. Sobiq ittifoq hududidagi mamlakatlarda davlatchilik nihollariga oʻta ehtiyotkorlik bilan munosabatda boʻlish, maslahatlar va tavsiyalar bilan ular ishiga aralashmaslik kerak, turli tomonlarni qoʻllab quvvatlash maqsadida takliflar va millionlarni tutqazib, oʻta nozik joyda dagʻallik bilan harakat qilib, borini ham yoʻq qilmaslik kerak, deb bayonot qildi Rossiya prezidenti Vladimir Putin.

"Barcha sobiq ittifoq mamlakatlariga oʻta eʼtiborlilik bilan munosabatda boʻlib, bu davlatchilik nihollarini oʻta ehtiyotkorlik bilan qoʻllab-quvvatlamoq lozim, chetdan turib turli maslahatlar va tavsiyalar berish, mutlaqo mumkin emas, shuningdek, har qanday aralashuvdan tiyilish lozim. Chunki bu narsalar ushbu mamlakatlardagi endi rivojlanib kelayotgan, hali moʻrt boʻlgan institutlar, suverenitetlar va davlatchilikni barbod qiladi. Bu mamlakatlardagi odamlarga jamiyat ichidagi munosabatlarni ehtiyotkorlik bilan qurishlariga imkon berish lozim. Shunchaki misollar keltirish mumkin, biroq oʻz takliflaringiz, oʻz millionlaringiz bilan goh bir, goh ikkinchi tomonni, ularni qoʻllab-quvvatlash maqsadida idish-tovoqlar doʻkoniga kirib qolgan fildek tutish, ular ishiga aralashish kerak emas", - dedi u "Valday" munozaralar maydonida qilgan chiqishida.

Sobiq ittifoq davlatlari bilan munosabatlarimiz qanday shakllanmasin, manfaatlar birligi baribir tosh bosadi, dedi Putin.

RF prezidentiga koʻra, chunki bu davlatlar shunchaki koʻp yillar davomida yagona mamlakat doirasida yashagan emas, ular yuz yilliklar davomida umumiy davlat doirasida boʻlishgan.

"Biz ulkan aloqalarga egamiz, iqtisoddagi kooperatsiyamiz oʻta chuqur, gumanitar aloqalarimiz kuchli, bir hammamiz bitta tilda gaplashamiz... Mazmunan olganda, biz bitta madaniy maydon odamlarimiz, men tarix haqida gapirganim yoʻq hali - biz umumiy tarixga, natsizm ustidan umumiy gʻalabaga egamiz. Bizning ajdodlarimiz, otalarimiz, bobolarimiz oʻz qoni bilan alohida munosabatlarimizni mustahkamlashgan. Va bugun nimaiki roʻy bermasin, siyosiy konʼyuktura qanday rivojlanmasin, ayni vaqtda shunga qatʼiy ishonamanki - mana shu - manfaatlar umumiyligi barcha davlatlar bilan, ular bilan munosabatlarimiz qanchalik qiyin kechmasin, biroq baribir aloqalarimiz qaytadan taraqqiy etishiga yoʻl ochib beradi", - dedi Putin.

Asosiy mavzular