15:46 28 Noyabr 2020
Efir
  • RUB136.69
  • EUR12344.73
  • USD10414.86
Siyosat
Havola olish
52 0 0

Bugung SHHT davlatlari rahbarlari yangi global xatar va tahdidlarning kuchayishi sharoitida koʻp qirrali hamkorlikni rivojlantirishga bagʻishlangan videoanjuman boʻlib oʻtadi.

TOSHKENT, 10 noya - Sputnik. Oʻzbekiston prezidenti Shavkat Mirziyoyev bugun 10 noyabr kuni Shanxay hamkorlik tashkilotiga aʼzo davlatlar rahbarlari kengashining videoanjuman shaklida oʻtadigan majlisida ishtirok etadi. 

Rossiya raisligida oʻtkaziladigan ushbu uchrashuv kun tartibidan yangi global xatar va tahdidlarning kuchayishi sharoitida SHHT doirasidagi koʻp qirrali hamkorlikni yanada mustahkamlash masalalari oʻrin olgan, - deyilgan xabarda.

Tashkilotga aʼzo va kuzatuvchi davlatlar delegatsiyalarining rahbarlari ustuvor yoʻnalishlarda koʻp tomonlama munosabatlarning bugungi holatini tahlil qilib, ularni rivojlantirish istiqbollarini muhokama qiladilar, shuningdek, xalqaro va mintaqaviy ahamiyatga molik dolzarb masalalar yuzasidan fikr almashadilar.

Birlashgan Millatlar Tashkiloti Bosh kotibi Antoniu Guterrish ham sammit ishtirokchilariga videomurojaat yoʻllashi kutilmoqda.

Ushbu masalalardan tashqari SHHT majlisida tashkilot doirsida xavfsizlikni taʼminlash, iqtisodiy kooperatsiya, raqamli texnologiyalarni joriy etish, qishloq hududlarni rivojlantirish, epidemiyalarga qarshi samarali kurashish va boshqa sohalardagi oʻzaro manfaatli hamkorlikni kengaytirishga qaratilgan Moskva deklaratsiyasi va hujjatlar toʻplamining qabul qilinishi ham rejalashtirilgan.

Asosiy mavzular