00:20 04 Dekabr 2020
Efir
  • RUB137.48
  • EUR12473.23
  • USD10427.38
Siyosat
Havola olish
30630

Ikki davlat yetakchilari telefon orqali muloqot davomida hududlar va biznes darajasida faol muloqotlarni davom ettirish, shuningdek, madaniy-gumanitar almashinuvlarni kengaytirishga alohida eʼtibor qaratishgan.

TOSHKENT, 12 noya - Sputnik. Oʻzbekiston va Qozogʻiston prezidentlari Shavkat Mirziyoyev va Qasim-Jomart Toqayevning telefon muloqoti boʻlib oʻtdi, deb xabar bermoqda Oʻzbekiston TIV matbuot-xizmati.

"Suhbat chogʻida davlat rahbarlari ikki tomonlama munosabatlar va mintaqaviy hamkorlikning dolzarb masalalarini muhokama qildilar", - deyilgan xabarda.

Xususan, Oʻzbekiston TIV xabariga koʻra, Oʻzbekiston va Qozogʻiston oʻrtasidagi oʻzaro manfaatli amaliy hamkorlik "yoʻl xaritasi"ga kiritilgan ustuvor tarmoqlardagi iqtisodiy kooperatsiya loyihalarini yanada ilgari surish muhim ekani taʼkidlangan. Hududlar va biznes darajasida faol muloqotlarni davom ettirish, shuningdek, madaniy-gumanitar almashinuvlarni kengaytirishga alohida eʼtibor qaratilgan.

Prezidentlar Markaziy Osiyo mintaqasidagi vaziyatning rivojlanishi yuzasidan, xalqaro va mintaqaviy tashkilotlar, shu jumladan MDH va SHHT doirasidagi muloqotni kengaytirish boʻyicha fikr almashdilar, deb qoʻshimcha qilinadi xabarda.

Boʻlajak oliy darajadagi tadbirlar rejasi ham koʻrib chiqilgan.

Qozogʻiston prezidenti rasmiy saytida aytilishicha, Qozogʻiston va Oʻzbekiston qirgʻiz xalqiga iqtisodiy va insonparvarlik yordamini koʻrsatishga kelishgan.

Asosiy mavzular