09:08 23 Yanvar 2021
Efir
  • RUB142.66
  • EUR12682.88
  • USD10500.81
Siyosat
Havola olish
145 0 0

Oʻzbekiston prezidenti Ayubxon Kamalovni Markaziy bank raisi oʻrinbosari etib tayinlash toʻgʻrisidagi farmonga imzo chekdi.

TOSHKENT, 22 dek — Sputnik. Oʻzbekiston prezidenti farmoni bilan Ayubxon Kamalov Markaziy bank raisi oʻrinbosari etib tayinlandi.

U Markaziy bankning naqd pul muomalasini tashkil etish, bank tizimida metodologiya ishlarini muvofiqlashtirish, kadrlar bilan ishlash, hududlarni ijtimoiy-iqtisodiy rivojlantirish borasida tijorat banklari faoliyatini monitoring qilish, tadbirkorlik subʼyektlarini moliyaviy qoʻllab-quvvatlash boʻyicha tijorat banklari faoliyatini monitoring qilish kabi yoʻnalishlarini muvofiqlashtirib boradi.

Ayubxon Kamalov 1971 yil Namangan shahrida tugʻilgan. 1993 yil Leningrad qishloq xoʻjaligi institutini, 2001 yil Namangan muhandislik-pedagogika institutini tamomlagan.

Bank tizimidagi faoliyatini 1994 yilda boshlagan. Keyinchalik Moliya vazirligida sektor mudiri, boʻlim boshligʻi, boshqarma boshligʻi oʻrinbosari boʻlib ishlagan. 2017-2019 yillarda Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi ijrochi direktori sifatida faoliyat yuritgan. 2019-2020 yillarda Namangan viloyati hokimining birinchi oʻrinbosari lavozimida mehnat qilgan.

Kamalov yangi lavozimiga tayinlangunga qadar Vazirlar Mahkamasining Makroiqtisodiy tahlil, tarkibiy oʻzgarishlar, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qoʻllab-quvvatlash va kambagʻallikni qisqartirish masalalari kotibiyati mudiri boʻlib ishlab kelayotgan edi.

Teglar:
yangi tayinlov, Markaziy bank

Asosiy mavzular