03:23 27 Yanvar 2021
Efir
  • RUB139.72
  • EUR12798.46
  • USD10518.99
Siyosat
Havola olish
308 0 0

Odatda xorijiy davlatlar elchilari prezident inauguratsiyasida ishtirok etishadi, ammo joriy yilda u qisqartirilgan tarkibda oʻtmoqda, va diplomatlar uchun joy topilishi shu paytgacha nomaʼlum edi.

TOSHKENT, 12 yanv - Sputnik. AQSH Rossiyani yangi saylangan prezidenti Jo Baydenning 20 yanvarga rejalashtirilgan inauguratsiyasiga taklif etdi. Tadbirda Rossiya elchisi darajasida ishtirok etish reja qilingan, deb xabar bermoqda RIA Novosti Vashingtondagi Rossiya dipmissiyasiga tayangan holda.

"Taklifnoma olindi. Elchi darajasida ishtirok kutilmoqda", - deb aytgan RIA Novostiga elchixona vakili.

Odatda xorijiy davlatlar elchilari prezident inauguratsiyasida ishtirok etishadi, ammo joriy yilda u qisqartirilgan tarkibda oʻtmoqda, va diplomatlar uchun joy topilishi shu paytgacha nomaʼlum edi.

Avval boshda, tantanali marosimga faqatgina kongress aʼzolari va ularning mehmonlari oʻtkazilishi xabar qilingan edi - yaʼni, ularning soni 1100 kishidan ortmasligi aytilgandi.

AQShda 3 noyabr kuni oʻtkazilgan prezident saylovlari natijalariga koʻra, demokrat Jo Bayden gʻalaba qozondi.

Amaldagi davlat rahbari Donald Tramp oʻz magʻlubiyatini tan olganicha yoʻq.

Oltinchi yanvar kuni Vashingtondagi mitingda Tramp oʻz tarafdorlarini prezident saylovlari natijalarini qaytadan koʻrib chiqish uchun "ojiz respublikachilarga yordam berish uchun" Kapitoliyga borishga daʼvat qilgan edi. Olomon Kapitoliyni oʻrab oldi, bino ichiga bostirib kirdi va tartibsizliklarni yuzaga keltirdi, oqibatda Jo Bayden gʻalabasini tasdiqlayotgan kongressning qoʻshma sessiyasi vaqtincha toʻxtatildi. Besh kishi ushbu toʻqnashuvlar tufayli qurbon boʻldi.

Demokratlar kongressda tartibsizliklar va zoʻravonlikka daʼvat qilgani uchun Trampga impichment eʼlon qilishni rejalashtirmoqda.

Teglar:
AQSH, AQShda prezident saylovlari, AQShning yangi prezidenti, AQSH prezidenti, Jo Bayden

Asosiy mavzular