17:55 20 Yanvar 2021
Efir
  • RUB142.66
  • EUR12682.88
  • USD10500.81
Siyosat
Havola olish
308 0 0

Yigʻilishda mamlakat mudofaa sanoati kompleksini yanada rivojlantirish, davlat chegaralarini qoʻriqlash tizimini takomillashtirish, hamda avariya va texnogen halokatlarning oldini olish boʻyicha ishlar samaradorligini oshirish boʻyicha zarur topshiriqlar berildi.

TOSHKENT, 13 yanv — Sputnik. Prezident Shavkat Mirziyoyev Oʻzbekiston Qurolli Kuchlari tashkil topganining 29-yilligi va Vatan himoyachilari kuni arafasida Qurolli Kuchlar Akademiyasiga tashrif buyurdi. Bu haqda davlat rahbari matbuot xizmati xabar qilmoqda.

Prezident oʻquv muassasasi faoliyatini takomillashtirish boʻyicha amalga oshirilgan ishlar va u yerda yaratilgan taʼlim infratuzilmasi obʼyektlari, shuningdek, Qurolli Kuchlarning zamonaviy qurol va harbiy texnika namunalari hamda milliy mudofaa sanoati korxonalari tomonidan ishlab chiqarilgan mahsulotlar bilan tanishdi.

Shavkat Mirziyoyev posetil Akademiyu Voorujennыx sil
Press-slujba prezidenta
Shavkat Mirziyoyev posetil Akademiyu Voorujennыx sil

Shundan soʻng Akademiyada Oʻzbekiston prezidenti, Qurolli Kuchlar Oliy bosh qoʻmondoni raisligida Qurolli Kuchlar va harbiy-maʼmuriy sektorlar faoliyatining 2020 yil yakunlari hamda kelgusidagi ustuvor vazifalarga bagʻishlangan Xavfsizlik kengashining kengaytirilgan yigʻilishi boʻlib oʻtdi.

Tadbirda Xavfsizlik kengashi aʼzolari, Qurolli Kuchlarning rahbar va qoʻmondonlik tarkibi, joylardagi davlat hokimiyati organlari rahbarlari hamda jamoat tashkilotlari vakillari ishtirok etdi.

Yigʻilishda prezident tomonidan mamlakat mudofaa qobiliyatini yanada oshirish borasida amalga oshirilgan ishlar, Qurolli Kuchlarni rivojlantirish yoʻlidagi saʼy-harakatlar va ularning natijalari batafsil sarhisob qilindi. Vazirlik va idoralar hamda joylardagi davlat xokimiyati organlarining ushbu yoʻnalishdagi faoliyatiga tanqidiy baho berildi.

Prezident 2017-2021 yillarda rivojlantirish boʻyicha Harakatlar strategiyasi asosida, mamlakat hayotining boshqa jabhalari bilan bir qatorda, harbiy sohaning eng muhim yoʻnalishlari boʻyicha zamon talablariga mos qarorlar qabul qilinganligi, amalga oshirilgan tizimli va strategik kompleks chora-tadbirlar natijasida qisqa davr ichida milliy armiyamizning jangovar shayligi va umuman mamlakatning mudofaa qobiliyati sezilarli darajada oshganini taʼkidlab oʻtdi.

Yigʻilishda davlat rahbari Qurolli Kuchlarni rivojlantirish va mamlakat mudofaa qobiliyatini yanada mustahkamlash hamda bu borada zamonaviy axborot-kommunikatsiya texnologiyalari va ilgʻor innovatsiyalarni keng tatbiq etish boʻyicha muhim koʻrsatmalar berdi.

Jumladan, barcha darajadagi qoʻmondonlik va boshqaruv organlari faoliyatini takomillashtirish, qoʻshinlarda avtomatlashtirilgan boshqaruv vositalari va komplekslarni joriy qilish orqali ularning hamkorlikdagi operativ va jangovar tayyorgarlik darajasini oshirish, axborot va kiberxavfsizlikni taʼminlash istiqboldagi dolzarb vazifalardan boʻlib qoladi.

Harbiy kadrlarni tayyorlash va ularning malakasini oshirish hamda harbiy ilmni rivojlantirish borasida Qurolli Kuchlar Oliy Bosh Qoʻmondoni tomonidan harbiy mojarolar va zamonaviy jang amaliyotlarini hamda milliy harbiy sanʼat tarixini chuqur oʻrganib, qoʻshinlarning tayyorgarlik usul va uslublarini yanada takomillashtirish vazifasi qoʻyildi.

Mirziyoyev aholining va birinchi navbatda yoshlarning harbiy-vatanparvarlik tarbiyasi tizimini takomillashtirish, ularni mamlakatda amalga oshirilayotgan islohotlar jarayoniga jalb qilish, intellektual va ijodiy salohiyatni namoyon qilishga sharoit yaratish yuzasidan koʻrsatmalar berdi.

Harbiy okruglar qoʻmondonliklariga kamida 10 tadan maktabni otaliqqa olish hamda harbiy qism komandirlari tomonidan ularda vatanparvarlik va harbiy shon-sharaf darslarini yoʻlga qoʻyish vazifasi qoʻyildi.

Qurolli Kuchlarda yaratilgan zamonaviy infratuzilmadan foydalangan holda uyushmagan yoshlarni harbiy-vatanparvarlik ruhida tarbiyalash bilan birga, mehnat bozorida talab qilinadigan kasb-hunarga oʻrgatish boʻyicha ishlarni tashkil etish vazifasi ham qoʻyildi.

Bundan tashqari, yigʻilishda mamlakat mudofaa sanoati kompleksini yanada rivojlantirish, davlat chegaralarini qoʻriqlash tizimini takomillashtirish, favqulodda vaziyatlar prognoz va monitoring qilish hamda avariya va texnogen halokatlarning oldini olish boʻyicha ishlar samaradorligini oshirish boʻycha zarur topshiriqlar berildi.

Teglar:
Oʻzbekiston yangiliklari, Xavfsizlik kengashi, Shavkat Mirziyoyev

Asosiy mavzular