17:20 26 Fevral 2021
Efir
  • RUB141.09
  • EUR12773.52
  • USD10549.65
Siyosat
Havola olish
114810

RF TIV Vashingtonda 6 yanvar kuni manifestatsiyalar va Kapitoliy shturmi roʻy berganida Moskvadagi AQSH elchixonasi hech qanday bayonot eʼlon qilmaganiga eʼtibor qaratar ekan, elchixona oʻshanda "oʻz fuqarolarini tinch noroziliklarga" motivatsiya qilmaganini qayd etib oʻtgan.

TOSHKENT, 23 yanv - Sputnik. Rossiya Tashqi ishlar vazirligi AQShning Rossiyadagi noqonuniy aktsiyalar haqidagi bayonotiga keskin javob qaytardi.

Rossiya TIV AQSH elchixonasining RFdagi kelishilmagan aktsiyalar boʻyicha bayonotiga izoh berar ekan, amerikalik hamkasblarni boshqa davlatlarning ichki ishlariga aralashmay, shaxsiy muammolari bilan shugʻullanishga chaqirdi.

Sal avval amerika dipmissiyasi Rossiyadagi noqonuniy aktsiyalar haqidagi xabarlar fonida, "Rossiyaning 38 shahridagi norozilik aktsiyalari haqidagi xabarlarni kuzatib borayotgani" haqida bayonot qilgan edi. AQSH elchixonasi shuningdek, "odamlarning tinch noroziliklar, fikrni erkin bildirish huquqlarini qoʻllab-quvvatlashini", Rossiya hukumati koʻrgan choralar esa "ushbu huquqlarni bostirishga qaratilganini" qoʻshimcha qilgan.

Sal avval Vashingtonda ommaviy tartibsizliklar roʻy bergan, u yerda politsiya AQSH prezidentligiga saylovlar natijalaridan norozi boʻlganlarni hibsga olgan edi.

Ammo bu voqealarga AQSH elchixonasi tomonidan hech qanday izoh boʻlmagan.

"Oʻz muammolaringiz bilan andarmon boʻling va boshqa davlatlarning ichki ishlariga aralashishni bas qiling", - deyiladi Rossiya tashqi siyosiy mahkamasining Facebookdagi xabarida.

RF TIV 6 yanvar kuni Vashingtonda manifestatsiyalar va Kapitoliy shturmi roʻy berganida Moskvadagi AQSH elchixonasi hech qanday bayonot eʼlon qilmaganini, "oʻz fuqarolarini tinch noroziliklarga" motivatsiya qilmaganini, tartibsizliklar vaqtida yuz bergan qotilliklar va yuzdan ortiq insonlarning hibsga olinganini qoralamaganini qayd etib oʻtgan. Aksincha, Rossiya TIV xabariga koʻra, sal oʻtib, AQShning Rossiyadagi elchisi yuz bergan voqealarni "jinoiy bosqinchilik", deb atagan.

"Politsiya namoyishchilarga oʻq uzishni boshlab, hukumatingiz tufayli tinch noroziliklar notinch noroziliklarga aylanib ketganini butun sayyora koʻrib turdi. Soʻngra esa, AQSH hukumati amerikaning tinch norozichilari harakatlarini "demokratiyaga tajovuz", deya atadi. Ikkiyuzlamachilik - amerika diplomatiyasining instrumenti, u ayniqsa kovid-epidemiya vaqtida oʻta xavfli tus oldi", - deyiladi RF TIV bayonotida.

Rossiya IIV va Bosh prokuraturasi Moskva va boshqa shaharlarda 23 yanvar kuni rejalashtirilgan sanktsiyalanmagan akyiyalarning tashkilotchilari bilan bir qatorda oddiy ishtirokchilarini ham javobgarlik haqida bir necha marotaba ogohlantirgan edi. Noqonuniy aktsiyalar provokatsiya, jamoat tartibiga tahdid sifatida baholanadi va "shu paytning oʻzida bostiriladi".

Parallel ravishda Bosh prokuratura internetda tarqatilayotgan shu xildagi tadbirlarga kelish haqidagi chaqiriqlarni bloklashni talab qildi, bunday daʼvatlar qonunda taʼqiqlangan. Prezident matbuot-kotibi Dmitriy Peskovning soʻzlariga koʻra, bunday aktsiyalarga "maʼlum fitnachilar" daʼvat qilmoqda, va ularning harakatlari maqsadi Kremlga "yaxshi ayon".

Maktab oʻquvchilariga alohida eʼtibor qaratilmoqda – ota-onalardan bolalarni bu singari aktsiyalardan chetlatish soʻralmoqda. Talabalarga ham xuddi shunday murojaatlar bilan murojaat qilingan, bu singari tadbirlarda talabalarning ishtirokiga "taʼlim muassasasi rahbariyati tomonidan turlicha baho berilishi mumkin".

RIA Novosti bilan suhbatda Moskvadagi bolalar huquqlari boʻyicha vakil Olga Yaroslavskaya ham "bolalarning siyosiy oʻyinlarga jalb etilishi"ga keskin qarshi chiqqan. Ayol soʻzlariga koʻra, bolalar sal ulgʻaygach, u yoki bu harakatlar zamirida nima yotganini tushunib oladilar.

Rossiya shaharlari hukumatlari sal oldin ommaviy tadbirlarga ruxsat berilmaslikni koronavirus tufayli yuzaga kelgan murakkab epidemiologik vaziyat bilan tushuntirgan edilar.

Asosiy mavzular