18:02 25 Fevral 2021
Efir
  • RUB141.09
  • EUR12773.52
  • USD10549.65
Siyosat
Havola olish
130 0 0

Qonunchilik palatasi 8 nafar yangi aʼzolar nomzodini koʻrib chiqqan va maʼqullagan. Zayniddin Nizamxoʻjayev MSK raisi boʻlishi kutilmoqda.

TOSHKENT, 4 fev — Sputnik. Oʻzbkekiston Markaziy saylov komissiyasi raisi Mirzo-Ulugʻbek Abdusalomovning vakolati tugatilmoqda. Bu haqda "Yuksalish" umummilliy harakati xabar bermoqda.

Qonunchilik palatasida rais bilan birga Markaziy saylov komissiyasining quyidagi 6 nafar xodimi vakolatlarini tugatish masalasi ham koʻrib chiqilgan:

  • Janabay Sadikov — huquqshunos;
  • Otagaldi Bobojonov — Xorazm viloyati Qoʻshkoʻpir tumani Xalq qabulxonasi mudiri;
  • Muhayyo Joʻrayeva — «Hunarmand» uyushmasining Surxondaryo viloyati boshqarmasi boshligʻi;
  • Esanbay Rajabov — Qashqadaryo viloyati kasaba uyushmalari tashkilotlari birlashmasi raisi maslahatchisi;
  • Erkin Xoʻjaqulov — Toshkent shahar umumyurisdiksiya sudining raisi;
  • Jalil Norov (marhum).

Bundan tashqari, xabarda yozilishicha, Qonunchilik palatasi quyidagi 8 nafar yangi aʼzolar nomzodini koʻrib chiqdi va maʼqulladi:

  • Ergash Yusupov — Xorazm viloyati kasaba uyushmalari tashkilotlari birlashmasi;
  • Zayniddin Nizamxoʻjayev — Oliy Majlis Senati raisining oʻrinbosari;
  • Aleksandr Farmonov — «Oʻzelektroapparat» AJ boshqaruv raisi maslahatchisi;
  • Muyassar Kadirova — Oʻzbekiston sogʻliqni saqlash xodimlari kasaba uyushmasi Respublika Kengashining Surxondaryo viloyati masʼul tashkilotchisi;
  • Bahrom Kuchkarov — Adliya vaziri oʻrinbosari;
  • Shuhrat Joʻrayev — nafaqada;
  • Orifjon Bazarov — Qarshi muhandislik-iqtisodiyot instituti rektori;
  • Alisher Usmonqulov — Jizzax politexnika instituti rektori.

Eslatib oʻtamiz, Mirzo-Ulugʻbek Abdusalomov Markaziy saylov komissiyasi raisi sifatida 2005 yil 7 maydan buyon faoliyat yuritib kelayotgan edi.

Avvalroq Qonunchilik palatasi spikerining birinchi oʻrinbosari Akmal Saidov deputatlar Oʻzbekistonda navbatdagi prezident saylovlari 2021 yilning 24 oktyabrida boʻlib oʻtishini belgilaganini maʼlum qilgan edi.

Asosiy mavzular