Prezident keskin tanqid qilgan Uychi tumaniga yangi hokim tayinlandi

© Sputnik / Dmitriy AstaxovMujchina zakrivayet portfel
Mujchina zakrivayet portfel - Sputnik O‘zbekiston, 1920, 24.02.2021
Obuna bo‘lish
Muhammadzokir Mamatxonov Uychi tumani hokimi etib tayinlandi. Bunga qadar u Tashqi mehnat migratsiyasi agentligi boshlig‘i lavozimida ishlab kelayotgan edi.
TOShKENT, 24 fev — Sputnik. Namangan viloyatida Xalq deputatlari Uychi tuman kengashining navbatdan tashqari sessiyasi bo‘lib o‘tdi. Bu haqda viloyat matbuot xizmati xabar qilmoqda.
Sessiyada tumanni iqtisodiy-ijtimoiy rivojlantirishdagi muammolar muhokama qilindi va tashkiliy masala ko‘rildi.
Viloyat hokimi Shavkatjon Abdurazzaqov tuman hokimligiga shu paytga qadar Tashqi mehnat migratsiyasi agentligi boshlig‘i bo‘lib ishlab kelgan Muhammadzokir Mamatxonov nomzodini taklif qildi.
Deputatlar va faollar nomzodni ma’qulladi hamda u haqdagi fikrlarini bildirdi.
Prezident posetil maxallyu Bunyodkor goroda Namangana - Sputnik O‘zbekiston, 1920, 19.02.2021
Mirziyoyev Namangan shahar hokimi va prokuroriga tanbeh berdi
Mamatxanov 1974-yilda Namangan viloyatining Pop tumanida tug‘ilgan. 2006-yilda Namangan muhandislik-iqtisodiyot instituti, 2012-yilda Prezident akademiyasi qoshidagi Oliy biznes maktabini tamomlagan.
1998—2016 yillarda Pop, Chust, Norin tumanlari, Namangan shahri va Namangan viloyat davlat soliq inspeksiyalari, Namangan viloyati hokimligi va Uychi tumani hokimligida turli vazifalarda mehnat qilgan.
2016—2017 yillarda Yangiqo‘rg‘on tumani hokimi bo‘lgan.
2018 yildan 2020-yilga qadar Namangan viloyat Bandlik bosh boshqarmasi boshlig‘i sifatida faoliyat yuritgan.
Muhammadzokir Mamatxonov 2020-yil 16-iyuldan beri Bandlik va mehnat munosabatlari vazirligi huzuridagi Tashqi mehnat migratsiyasi agentligi boshlig‘i lavozimida ishlab kelayotgan edi.
Eslatib o‘tamiz, prezident Shavkat Mirziyoyev viloyatga tashrifi davomida Uychi tumani rahbariyatining faoliyatidan qoniqmasligini aytib, keskin tanqid qilgan edi. Tumandagi 4 ta sektor rahbari, jumladan, tuman hokimi yo‘l qo‘yilgan kamchiliklar, tuman iqtisodiy ko‘rsatkichlari yaxshilanmagani, topshiriqlarni bajarmagani uchun ishdan olingan edi.
Yangiliklar lentasi
0