O‘zbekistonda o‘zbek tili oyligi e’lon qilindi

© IA "Jaxon"Alisher Navoiyning 575-yilligiga bag‘ishlangan tadbir
Alisher Navoiyning 575-yilligiga bag‘ishlangan tadbir - Sputnik O‘zbekiston
Obuna bo‘lish
Xalqning, millatning mavjudligi, avvalo, uning o‘z tiliga egaligi bilan belgilanadi. O‘zbekistonning Birinchi Prezidenti Islom Karimov tashabbusi bilan 1989-yil 21-oktabrda "Davlat tili haqida"gi qonun qabul qilinib, o‘zbek tilining huquqiy maqomi mustahkamlangan edi

TOShKENT, 5 okt — Sputnik. Mazkur sana munosabati bilan mamlakatimizning barcha ta’lim muassasalarida ona tilimizni rivojlantirish, uning betakror jozibasi va go‘zalligini namoyish etish borasida keng ko‘lamli ishlar amalga oshirilmoqda. Ta’lim dargohlarida ushbu sana munosabati bilan “Ona tili va adabiyoti” oyligi tashkil etilmoqda, deb xabar qiladi "Jahon" AA.

O‘zbekiston Respublikasi prezidenti Islom Karimov. - Sputnik O‘zbekiston
Islom Karimov o‘zbek tili va adabiyoti universitetini tashkil etish to‘g‘risida farmon imzoladi
Jumladan, Toshkent shahri Olmazor tumanidagi 243-umumta’lim maktabida ham boshlang‘ich sinf o‘quvchilari uchun "O‘zbek tilini o‘rganamiz", "Kim ifodali, tez va ravon o‘qiydi?", "Eng chiroyli husnixat egasi" kabi mavzularda bellashuv va tadbirlar, yuqori sinf o‘quvchilari uchun "Til – dil kaliti", "Ajdodlari buyuk yurt farzandiman", "Ona tili va adabiyoti bilimdonlari bellashuvi", "Til borki, millat bor" kabi mavzularda adabiy kechalar, davra suhbatlari, "Asar qahramonlari mening tasavvurimda" mavzuyida rasmlar tanlovi o‘tkazilmoqda.

"Bugungi globallashuv davrida tilimiz sofligini saqlash, so‘zlashuvda turli xorijiy iboralarni o‘rinli-o‘rinsiz ishlatavermaslik talab etiladi, – deydi mazkur maktabning boshlang‘ich sinf o‘qituvchisi Nilufar Komilova. – Bolaning boshqa fanlarni puxta o‘zlashtirishi uning o‘z ona tilini nechog‘li yaxshi bilishidan boshlanadi. Binobarin, boshlang‘ich sinf o‘qituvchisining tilni o‘rgatishdagi mas’uliyati nihoyatda katta".

Dars jarayonida insholar tanlovi o‘tkazilib, g‘oliblar munosib rag‘batlantirilmoqda. She’riyat kechalari, uchrashuvlar, bilimlar bellashuvlarida zukko o‘g‘il-qizlar kuch sinashib, o‘z bilimini, o‘zbek tiliga mehr-muhabbatini namoyish etishmoqda. Fan oyligi davomida Toshkent shahri bo‘ylab sayohat, muqaddas qadamjolarga ekskursiyalar uyushtirilayotgani xabar qilinmoqda. O‘quvchilar savodxonligini yanada oshirish maqsadida tashkil etilayotgan tadbirlarga taniqli olim, yozuvchi va shoirlarning jalb etilmoqda.

Yangiliklar lentasi
0