Start berildi: Tojikiston samolyotlari O‘zbekistonga 20-fevraldan boshlab qatnaydi

© Ofitsialniy sayt / Mediabankka o‘tish"Somon Eyr" aviakompaniyasi samolyoti
Somon Eyr aviakompaniyasi samolyoti - Sputnik O‘zbekiston
Obuna bo‘lish
"Somon Eyr" Dushanbedan Toshkentga qishki mavsum yakuniga qadar haftada bir marta - dushanba kunlari uchadi. Yozgi mavsumda esa reyslar soni haftasiga ikkitaga ko‘paytiriladi

TOShKENT, 1 fev — Sputnik. Tojikistonning "Somon Eyr" aviakompaniyasi Dushanbedan Toshkentga yangi reys ochilgani haqida ma’lum qildi.

"Tojikiston va O‘zbekiston o‘rtasidagi muntazam aviaqatnovlar 20-fevraldan boshlab qayta tiklanadi. Dushanbedan taxminan soat 10-00da parvoz qilinib, uchish vaqti 45 daqiqani tashkil etadi. Toshkentdan esa soat 12-00da parvozga chiqilishi mumkin", — deyilgan "Somon Eyr" kompaniyasi rasmiy saytida.

Vladimir Yevseyev - Sputnik O‘zbekiston
Yevseyev: Mirziyoyev O‘zbekiston va Tojikiston aloqalarini "jonlantirdi"
Xabarda ta’kidlanishicha, "Somon Eyr" Dushanbedan Toshkentga qishki mavsum yakuniga qadar haftada bir marta — dushanba kunlari uchishni rejalashtirgan. Yozgi mavsumda esa reyslar soni haftasiga ikkitaga ko‘paytiriladi.

Tojikiston aviatsiya tuzilmalari delegatsiyasi bo‘lgan birinchi reys parvozi O‘zbekiston poytaxtiga 10-fevral kuni amalga oshirilishi mumkin.

«Yangi reysning ochilishi va uning takroriyligi Tojikiston fuqarolariga ham, O‘zbekiston fuqarolariga ham har ikki mamlakatga bo‘lgan o‘z safarlarini ancha yengillashtiradi», — deb ta’kidlashmoqda aviakompaniyada.

Ma’lumot uchun, Tojikiston va O‘zbekiston o‘rtasidagi aviaqatnovlar 1992-yilda, Tojikistonda fuqarolar urushi boshlanganidan so‘ng to‘xtatilgan edi.

Yangiliklar lentasi
0