Virtual qabulxonaga IIV tizimi ustidan to‘rt oyda 46 ming shikoyat tushdi

© Sputnik / StringerShavkat Mirziyoyevning virtual qabulxonasi
Shavkat Mirziyoyevning virtual qabulxonasi - Sputnik O‘zbekiston
Obuna bo‘lish
Virtual qabulxonaga 2017-yil 24-yanvar holatiga 409 ming murojaat kelib tushgan

TOShKENT, 15 fev — Sputnik. O‘zbekiston Respublikasi prezidenti Shavkat Mirziyoyevning virtual qabulxonasiga eng ko‘p shikoyat ichki ishlar vazirligi tizimi ustidan tushgan. Bu haqda qabulxonaning 4 oylik faoliyatiga bag‘ishlangan statistikada ma’lum qilindi.

Kreslo - Sputnik O‘zbekiston
Mirziyoyev 3 nafar polkovnikni ishdan bo‘shatdi

Statistikadan ma’lum bo‘lishicha, eng ko‘p — 46999 murojaat ichki ishlar vazirligiga ijroga yuborilgan va ijrosi ustidan O‘zbekiston Respublikasi Bosh prokuraturasi tomonidan nazorat o‘rnatilgan.

Yana deyarli shuncha — 46339 murojaat Toshkent shahri hokimligiga ijro uchun yuborilgan. Murojaatlar Toshkent shahri aholisi tomonidan ko‘p yuborilishi internet foydalanuvchilarining eng katta qismi aynan Toshkent shahriga to‘g‘ri kelishi bilan bog‘liqligi aytiladi.

© pm.gov.uzVirtual qabulxona faoliyat boshlaganiga to‘rt oy bo‘ldi
Statistika za 4 mesatsa raboti virtualnoy priyemnoy Shavkata Mirziyoyeva - Sputnik O‘zbekiston
Virtual qabulxona faoliyat boshlaganiga to‘rt oy bo‘ldi

Viloyatlardagi mas’ul tashkilotlar orasida "birinchilik" Toshkent viloyati hokimligiga tegishli — 20616 murojaat. Farg‘ona va Andijon viloyatlari hokimliklari har biri 12 mingdan ortiq murojaat bilan mos ravishda ikkinchi va uchinchi o‘rinda qayd etilgan.

"PM.gov.uz portali" 2016-yilning 24-sentabrida faoliyat boshlagan.

Portalda aytilishicha, 2017-yil 24-yanvar holatiga 409 ming murojaat kelib tushgan va 334 mingdan ortiq murojaat ko‘rib chiqilgan.

Yangiliklar lentasi
0