TOShKENT, 18 apr — Sputnik. O‘zbekiston Respublikasi Tabiatni muhofaza qilish qo‘mitasi raisi Baxtiyor Abdusamatov Toshkentning Yunusobod tumaniga hokim etib tayinlandi, deb xabar bermoqda Sputnik O‘zbekiston muxbiri.
Tabiatni muhofaza qilish qo‘mitasi saytida esa Abdusamatov hali-hamon rais sifatida ko‘rsatilgan. Qo‘mitadagilar hozircha Abdusamatovning ushbu lavozimni tark etgani va yangi lavozimga tayinlanganligi haqidagi hujjatni olmaganliklarini bildirishdi.
Baxtiyor Abdusamatov Jahon iqtisodiyoti va diplomatiya universiteti hamda Toshkent davlat iqtisodiyot universitetini bitirgan. U Tashqi iqtisodiy aloqalar vazirligida ishlagan, 2011-2013 yillarda tashqi iqtisodiy aloqalar, investitsiyalar va savdo vaziri o‘rinbosari lavozimida faoliyat ko‘rsatgan. 2013-yil dekabrdan buyon Tabiatni muhofaza qilish qo‘mitasiga rahbarlik qiladi.
O‘zbekiston va jahondagi eng so‘nggi yangiliklardan xabardor bo‘lishni istasangiz, Sputnik O‘zbekistonning Telegram-kanaliga obuna bo‘ling.
