TOShKENT, 20 apr — Sputnik. Toshkent-Andijon, Urganch-Andijon, Buxoro-Andijon yo‘nalishlarida qatnovchi poyezdlar chiptalari arzonlashtirildi. Bu haqda "O‘zbekiston temir yo‘llari" AJ matbuot xizmati xabar qildi.
"O‘zbekiston temir yo‘llari" AJ yo‘lovchilarga qulayliklar yaratish maqsadida, Toshkent-Andijon-Toshkent, Urganch-Andijon-Urganch, Buxoro-Andijon-Buxoro yo‘nalishlari bo‘yicha ertalabki, kunduzgi va kechki tezurar poyezdlarning doimiy harakatlanishini va chiptalarning narxlari arzonlashtirilganini ma’lum qiladi", deyiladi xabarda.
Xabarga ko‘ra, poyezd harakat davomida Farg‘ona vodiysining Pop, Qo‘qon, Marg‘ilon va Andijon shaharlarining temiryo‘l bekatlarida to‘xtab o‘tadi.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
