TOShKENT, 2-may — Sputnik. Shavkat Mirziyoyev 2-may kuni "O‘zbekiston Davlat arxitektura va qurilish qo‘mitasi faoliyatini tashkil qilish chora-tadbirlari to‘g‘risida"gi farmonni imzoladi.
Yangi qaror, Davlat arxitektura va qurilish qo‘mitasi faoliyati tubdan takomillashtirish va uning samaradorligini oshirishga qaratilgan.
Qarorda, xususan, quyidagilar tasdiqlangan:
O‘zbekiston Respublikasi Davlat arxitektura va qurilish qo‘mitasi tarkibi va tuzilmalarining o‘zaro ishlash tartibi, qo‘mita markaziy apparatining yangi tarkibi;
O‘zbekiston Respublikasi Davlat arxitektura va qurilish qo‘mitasi huzuridagi Davlat arxitektura va qurilish inspeksiyasi tarkibi;
Qoraqalpog‘iston Respublikasi Davlat arxitektura va qurilish qo‘mitasi tarkibi, Toshkent shahri hamda viloyat va tumanlardagi Davlat arxitektura va qurilish boshqarmalarining namunaviy tuzilmalari;
O‘zbekiston Respublikasida arxitektura va qurilishni rivojlantirishga qaratilgan tadbirlar.
