Buxoroda birlashtirilgan ikki ko‘chaga Islom Karimov nomi berildi

© Fotoxost-agentstvo / Mediabankka o‘tishO‘zbekiston prezidenti Islom Karimov
O‘zbekiston prezidenti Islom Karimov - Sputnik O‘zbekiston
Obuna bo‘lish
Buxoro viloyati hokimi O‘ktam Barnoyevning so‘zlariga ko‘ra, Islom Karimov nomi bilan ataladigan ko‘cha qiyofasi butkul yangilanib, uning atrofida zamonaviy turar-joylar, Universal sport majmuasi va boshqa ko‘rkam binolar barpo etiladi

TOShKENT, 11-may — Sputnik. 2017 yil 10-may kuni xalq deputatlari Buxoro viloyat Kengashining navbatdagi sessiyasi bo‘lib o‘tdi, deb xabar qildi Buxoro viloyati hokimligi matbuot-xizmati.

Prezident Respubliki Uzbekistan Islam Karimov - Sputnik O‘zbekiston
Islom Karimovning eng yaxshi portreti uchun tanlov e’lon qilindi
"Viloyat hokimi O‘ktam Barnoyev tomonidan olib borilgan yig‘ilishda O‘zbekiston Respublikasining Birinchi prezidenti, O‘zbekiston Qahramoni Islom Abdug‘aniyevich Karimovning xotirasini abadiylashtirish maqsadida Buxoro shahridagi markaziy ko‘chalarni birlashtirib "Islom Karimov" nomini berish to‘g‘risidagi masala muhokama qilindi", — deyilgan xabarda.

Qayd etilishicha, deputatlar Buxoro shahridagi Abduxoliq G‘ijduvoniy ko‘chasi hamda O‘zbekiston Mustaqilligi ko‘chasining Piridasgir ko‘chasi bilan kesishmasigacha bo‘lgan hudud nomini Islom Karimov ko‘chasi nomiga o‘zgartirish to‘g‘risidagi taklifni bir ovozdan ma’qulladilar.

Kengash raisi O‘ktam Barnoyevning so‘zlariga ko‘ra, Islom Karimov nomi bilan ataladigan ko‘cha qiyofasi butkul yangilanib, uning atrofida zamonaviy turar-joylar, Universal sport majmuasi va boshqa ko‘rkam binolar barpo etiladi.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.

Yangiliklar lentasi
0