O‘zbekiston teleradiokompaniyasi muxlislar taklifini kutmoqda

TOShKENT, 15-may – Sputnik. Milliy teleradiokompaniyasi faoliyatini takomillashtirish uchun O‘zbekiston prezidenti qaroriga binoan maxsus komissiya tashkil qilindi.

Komissiyaning asosiy vazifasi sifatida sohada mavjud bo‘lgan kamchiliklarni hamda xorijiy telekanallar tajribasini yaqindan o‘rganib chiqish va teleradiouzatish tizimining samaradorligini tubdan oshirish belgilangan.

Ushbu komissiya tomonidan O‘zbekiston Milliy teleradiokompaniyasi muxlislari orasida faoliyatini takomillashtirish bo‘yicha quyidagi manzilda ommaviy so‘rov o‘tkazilmoqda. 

U yerda sohaga befarq bo‘lmagan fuqarolar Milliy teleradiokompaniya faoliyatini takomillashtirish bo‘yicha o‘z takliflarini kiritishlari mumkin. Har bir taklif maxsus komissiya tomonidan o‘rganib chiqilishi xabar berilgan. 

Ayni damda Milliy teleradiokompaniya faoliyatini takomillashtirish uchun konsepsiyani ishlab chiqish bo‘yicha keng qamrovli ish olib borilmoqda. Bu haqda joriy yil 10-may kuni prezident matbuot xizmati kotibi Asad Xojayev tomonidan OAV vakillari o‘tkazilgan bilan uchrashuvda xabar bergan edi.

Eslatib o‘tamiz, 30-mart kuni O‘zbekiston prezidenti Shavkat Mirziyoyev video muloqoti chog‘ida Milliy teleradokompaniyasi faoliyatiga "Axborot" va "Davr" informatsion dasturlaridan kelib chiqib aytgan tanqidiy fikrlar bildirgan edi.

O‘shanda Shavkat Mirziyoyev bu sohada ahvol haligacha "eski hammom, eski tos"ligicha qolayotganini, "Ura-ura"chilik zamoni o‘tgani, televizorda tanqidiy va tahliliy materiallar berish, "Axborot" ko‘rsatuvini o‘zgartirish kerakligini ta’kidlagan edi.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.