TOShKENT, 15-avgust — Sputnik. Respublika sudlarida fuqarolar uchun shikoyatlar qutisi o‘rnatiladi, deb xabar bermoqda Podrobno.uz.
Xabarda aytilishicha, ana shunday ilk shikoyatlar qutisi jinoyat ishlari bo‘yicha Yashnobod tuman sudida paydo bo‘ladi.
Qutilar O‘zbekiston prezidenti Devonining Fuqarolar huquqlarini himoya qilish, jismoniy va yuridik shaxslar murojaatlari bo‘yicha ishlarni nazorat qilish va muvofiqlashtirish xizmati hamda Sudyalar oliy kengashi vakillari kuzatuvi ostida ochiladi.
Shu tarzda mamlakat sud tizimi qanday ishlayotgani haqida fuqarolar fikri o‘rganiladi.
Iyun oyida prezident Shavkat Mirziyoyev videoselektor yig‘ilishida sudyalarni aholi muammolariga befarqlik va korrupsiyada ayblagandi.
