TOShKENT, 30 avg — Sputnik. O‘zbekiston prezidenti Shavkat Mirziyoyev 6-sentabr kuni Qirg‘izistonga tashrif buyurishi kutilmoqda, deb xabar berdi hukumat matbuot xizmati. Bu haqda ikki davlat bosh vazirlari — Sapar Isakov va Abdulla Aripovning telefon orqali muloqotlari davomida ma’lum bo‘lgan.
O‘zbekiston bosh vaziri Aripov Isakovni bosh vazirlik lavozimiga tayinlangani bilan tabrikladi va ishlarida muvaffaqiyat tiladi, deb yozadi Sputnik Qirg‘iziston.
Hukumat rahbarlari savdo-iqtisodiy va madaniy-gumanitar hamda chegara masalalari bo‘yicha o‘zaro hamkorlikni muhokama qilishdi.
Bundan tashqari, O‘zbekiston prezidentining Qirg‘izistonga bo‘lajak tashrifi muhokama qilindi.
